বকলীয়াঘাট আৰু হাওৰাঘাটত মুখ্যমন্ত্ৰী তদাৰকী কোষৰ ছাডেন ভিজিট

ডিফু, 14 জানুৱাৰী: ৰাজ্যজৰি ভোগালী বিহুৰ আনন্দ উল্লাসৰ মাজতেই শনিবাৰে দিনত বকলীয়াঘাট থানাত উপস্থিত হয় মুখ্যমন্ত্ৰী তদাৰকী কোষৰ এটা দল ৷ আৰক্ষী থানাত উপস্থিত হৈয়েই কৃষক আৰু কৃষি বিভাগৰ বিষয়াবৰ্গ আৰু কৰ্মচাৰীৰ সৈতে বহে তদাৰকী শাখাৰ দলটো ৷ কৃষি বিভাগৰ বকলীয়া ADO ৰাজহ চক্ৰৰ কৃষকৰ ধান ক্ৰয়-বিক্ৰয়ৰ ক্ষেত্ৰত সংঘটিত হোৱা কেতবোৰ অনিয়মৰ লগতে এই ক্ষেত্ৰত কৃষকসকলে সন্মুখীন হোৱা সমস্যাৰ ওপৰত বিভিন্ন সময়ত বাতৰি প্ৰকাশ হৈছিল ৷ 

ইয়াৰ পিচতে মুখ্যমন্ত্ৰী তদাৰকী শাখাৰ দলটোৰ এই অভিযানে বিশেষ তাৎপৰ্য বহন কৰিছে ৷ সম্ভৱতঃ এই ঘটনাৰ পৰিপ্ৰেক্ষিততেই কাৰ্বি আংলঙৰ হাওৰাঘাট আৰু বকলীয়ালৈ মুখ্যমন্ত্ৰী তদাৰকী শাখাৰ দলটো অহা বুলি সন্দেহ কৰা হৈছে ৷ ইয়াৰোপৰি দলটোৱে কৃষকসকলৰ সৈতেও মত বিনিময় কৰি তেওঁলোকৰ সমস্য়াৰ বুজ লৈছে ৷

লগতে পঢ়ক: ড৹ কৰবী ডেকা হাজৰিকাক ৰংবং তেৰাং সমন্বয় বঁটা প্ৰদান