National Yoga Olympiad: ৰাষ্ট্ৰীয় যোগ অলিম্পিয়াডত সোণৰ পদক আজুৰিলে আমগুৰিৰ চিম্পিয়ে

আমগুৰি, ২৪ জুন: ৰাষ্ট্ৰীয় যোগ অলিম্পিয়াডত প্ৰথমবাৰৰ সোণৰ পদক লাভ কৰি ৰাজ্যখনলৈ গৌৰৱ কঢ়িয়াই আনিলে শিৱসাগৰ জিলাৰ আমগুৰি খৰাগড় চকলিয়াল গাঁৱৰ চিম্পি গগৈয়ে । কেন্দ্ৰীয় চৰকাৰৰ শিক্ষা মন্ত্ৰালয় আৰু NCERT দ্বাৰা মধ্যপ্ৰদেশত অনুষ্ঠিত ৰাষ্ট্ৰীয় যোগ অলিম্পিয়াডত এই সফলতা লাভ কৰিবলৈ সক্ষম হৈছে কালুগাঁও উচ্চতৰ মাধ্যমিক বিদ্যালয়ৰ নৱম শ্ৰেণীৰ ছাত্ৰীগৰাকীয়ে ।  

জানিবপৰামতে, পূৰ্বতে ৰাজ্যখনে ৰাষ্ট্ৰীয় যোগ অলিম্পিয়াডত সোণৰ পদক লাভ কৰিবলৈ সক্ষম হোৱা নাছিল । কালুগাঁও খৰাগড় নিবাসী দীপক গগৈ আৰু পূৰবী গগৈৰ জ্যেষ্ঠা কন্যা চিম্পি গগৈয়ে পোন প্ৰথমবাৰৰ বাবে ৰাজ্যখনলৈ এই গৌৰৱ কঢ়িয়াবলৈ সক্ষম হয় । পিতৃ তথা যোগ প্ৰশিক্ষক দীপক গগৈৰ জৰিয়তে প্ৰশিক্ষণ গ্ৰহণ কৰি জিলা আৰু ৰাজ্যিক পৰ্যায়ত বহুকেইটা পদক লাভ কৰিবলৈ সক্ষম হোৱা চিম্পিয়ে শেহতীয়াকৈ এই ঈর্ষণীয় সফলতা লাভ কৰিবলৈ সক্ষম হয় । 

লগতে পঢ়ক: Majuli ferry service : আজিৰে পৰা পুনৰ আৰম্ভ মাজুলী-নিমাতী ফেৰী সেৱা