Woman gives birth to a child in train : চলন্ত ৰে’লতেই জন্ম হ’ল সন্তান

গোলাঘাট, 8 নৱেম্বৰ: চলন্ত ৰে’লতেই জন্ম হ’ল এটি নৱজাতক ৷ নিশা নাহৰলগুনৰ পৰা শিলচৰ অভিমুখে আহি থকা এখন ৰে’লত জন্ম হয় নৱজাতকটি ৷ ৰে'লখন ফৰকাটিং ৰে’ল ষ্টেচনত উপস্থিত হোৱাৰ পিচতে ততাতৈয়াকৈ ৰে’ল আৰক্ষীয়ে মাতৃসহ নৱজাতকটোক গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰে ৷ 

বৰ্তমান নৱজাতকটো সম্পূৰ্ণ সুস্থ বুলি সংবাদ মাধ্যমৰ আগত উল্লেখ কৰে পৰিয়ালৰ লোকে ৷ নৱজাতকটিৰ পিতৃ শিলচৰৰ বেৰেঙাৰ চাইদুৰ আলম লস্কৰ আৰু পত্নী সোমা বেগম লস্কৰ ৷ দম্পতীটো নিশা শিলচৰলৈ গৈ থকা অৱস্থাতেই প্ৰসৱ বেদনা আৰম্ভ হয় আৰু উপস্থিত ৰাইজৰ লগতে ৰে’ল আৰক্ষীৰ সহযোগিতাত নৱজাতকটি প্ৰসৱ হয় ৷ 

ৰে’ল বিভাগৰ পৰা সম্পূৰ্ণ সহযোগিতা লাভ কৰাৰ কথা উল্লেখ কৰে পৰিয়ালটোৱে ৷ 

লগতে পঢ়ক: AAP leader criticizes Sherman Ali : শ্বেৰমান আলীক মুকলি প্ৰত্যাহ্বান আপ নেতাৰ; কিন্তু কিয়?