Suspected Child Murder: দোকানলৈ বিস্কুট কিনিবলৈ যোৱা শিশুৰ মৃতদেহ উদ্ধাৰ পথৰ কাষৰ খাৱৈত

জনীয়া, 16 মে’ : কলগাছিয়াৰ বালিকুৰি এন চি গাঁৱত এটি শিশুৰ ৰহস্যজনক মৃত্যু (Kalgachia Suspected Murder) । অজ্ঞাত লোকে শিশুটোক হত্যা কৰি খালত পেলাই দিয়াৰ সন্দেহ পৰিয়ালৰ লোকৰ (Suspected Child Murder) ৷ বৰপেটা জিলাৰ কলগাছিয়া আৰক্ষী থানাৰ বালিকুৰি এন চি গাঁৱৰ আয়নাল হকৰ কণমানি পুত্ৰৰ সোমবাৰে নিশা ৰহস্যজনকভাৱে মৃত্যু হয় (Child body rescued at Kalgachia)৷ 

জানিব পৰা মতে, সোমবাৰে সন্ধিয়া শিশুটিয়ে ঘৰৰ পৰা অলপ দূৰত থকা এখন দোকানৰ পৰা বিস্কুট আৰু চকলেট কিনিবলৈ গৈছিল ৷ কিন্তু দোকানৰ পৰা ওভতি অহাৰ পথতে এখন খালত পৰি থকা অৱস্থাত শিশুটোক মৃতদেহ প্ৰত্যক্ষ কৰে স্থানীয় লোকে ৷ খালৰ পাৰত বিস্কুট, চকলেট, চেণ্ডেল আৰু শিশুটিৰ হাতত থকা মোবাইলটো পৰি থকা দেখি স্থানীয় ৰাইজে খালৰ পানীত নামি বিচাৰ খোচাৰ কৰাত পানীৰ তলৰ পৰা মৃতদেহ উদ্ধাৰ কৰি আৰক্ষীক খবৰ দিয়ে । শিশুটিৰ ডিঙিত আঘাতৰ চিন প্ৰত্যক্ষ কৰি এয়া এক হত্যাকাণ্ড বুলি সন্দেহ প্ৰকাশ কৰিছে পৰিয়ালৰ লোকে।  

এতিয়ালৈ হত্যাকাৰী চিনাক্ত হোৱা নাই যদিও আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে । মঙলবাৰে পুৱাৰ ভাগত শিশুটোৰ মৃতদেহ উদ্ধাৰ কৰি মৃতদেহটো মৰণোত্তৰ পৰীক্ষাৰ বাবে বৰপেটাৰ ফখৰুদ্দিন আলী আহমেদ মেডিকেল কলেজ হাস্পতাললৈ প্ৰেৰণ কৰিছে ৷ 

লগতে পঢ়ক: SI Junmoni Rabha passes away: জোনমণি ৰাভাৰ মৃত্যুত শোকাৰ্ত গড়মূৰ আৰক্ষী থানা