Cattle Smuggling:কলিয়াবৰত গৰুসহ বাহন জব্দ, তিনি চোৰ উধাও

কলিয়াবৰ, 15 ছেপ্টেম্বৰ : নগাঁও জিলাৰ কলিয়াবৰৰ ২নং সৰিয়হবাৰীত গৰুসহ জব্দ এখন ব‍্যক্তিগত বাহন ৷ অৱশ্যে বাহনখনত থকা তিনিটা চোৰ পলাই সাৰিবলৈ সক্ষম হয় ৷ 

ঘটনাৰ বিৱৰণী অনুসৰি, বৃহস্পতিবাৰে নিশা বাহনসহ গাঁৱৰ মাজত ৰৈ আছিল তিনিটা গৰু চোৰ। স্থানীয় ৰাইজে তিনি চোৰ প্ৰত্যক্ষ কৰি সোধা পোছা কৰোঁতেই বাহনখন এৰি পলায়ন কৰে তিনিওটা গৰু চোৰে। চোৰকেইটাই পলায়ন কৰা দেখি স্থানীয় ৰাইজে AS 04 L 5242 নম্বৰৰ বাহনখনৰ ভিতৰত চাওঁতে এখন বাহনৰ নম্বৰপ্লেট সহ এটা সৰু আৰু কুকুৰা উদ্ধাৰ হয় ৷ 

লগে লগে উত্তেজিত ৰাইজে গাড়ীখন ভাঙি চুৰমাৰ কৰে ৷ ইতিমধ্য়ে ঘটনা সন্দৰ্ভত স্থানীয় লোকে শালনা আৰক্ষী চকীত অৱগত কৰিছে ৷ আৰক্ষীয়ে ঘটনাস্থলীত উপস্থিত হৈ ঘটনাস্থলী পৰিদৰ্শন কৰি স্থানীয় ৰাইজক সোধা পোছা কৰে ৷ আৰক্ষীয়ে চোৰকেইটা বিচাৰি তদন্ত অব্যাহত ৰাখিছে ৷ উল্লেখ্য যে, কলিয়াবৰৰ গাঁৱে-ভূঞে দিনক দিনে বৃদ্ধি পাইছে গৰু চোৰৰ উপদ্ৰৱ।

লগতে পঢ়ক: Liquor seized: সত্ৰনগৰীত সুৰাৰ অবৈধ বেহা, বিলাসী বাহনৰ পৰা 50 লিটাৰ বিলাতী সুৰা জব্দ