Deori Autonomous Council Election: সামৰণি পৰিল দেউৰী স্বায়ত্ব পৰিষদৰ নিৰ্বাচনৰ প্ৰচাৰ

সমাগত দেউৰী স্বায়ত্ব পৰিষদৰ নিৰ্বাচন (Deori Autonomous Council Election 2022)৷ অহা ৮ নৱেম্বৰত অনুস্থিত হ’ব দেউৰী স্বায়ত্ব পৰিষদৰ নিৰ্বাচন ৷ আজি সামৰণি পৰিল দেউৰী স্বায়ত্ব পৰিষদৰ নিৰ্বাচনৰ প্ৰচাৰ ৷ ভোট গ্ৰহণৰ পূৰ্বে মাজুলীত বিজেপি মিত্ৰজোঁটৰ সমৰ্থিত প্ৰাৰ্থী ইনুপ্ৰভা দেউৰীয়ে (BJP Candidate Inuprabha Deori) এটা বিশাল বাইক ৰেলী উলিয়াই ভোজৰ আয়োজন কৰি বিজয় উৎসৱ পালন কৰে ৷ এই ভোজ অনুষ্ঠানৰ তদাৰক কৰে বিধায়ক নৱ দলেই (MLA Naba Doley)৷ লগতে তেওঁ কয় যে ২০১৬ চনৰ পৰাই ৰাইজৰ বিজেপি দলৰ ওপৰত বিশ্বাস আৰু আস্থা আছে যাৰ বাবে বিজেপি দলক ইটোৰ পাছত সিটো নিৰ্বাচনত বিজেপি দলক ৰাইজে জয়ী কৰাইছে ৷ গতিকে আহি থকা দেউৰী স্বায়ত্ব পৰিষদৰ নিৰ্বাচনতো বিজেপি দলকে জয়ী কৰাটো নিশ্চিত ৷ ইফালে প্ৰাৰ্থী ইনুপ্ৰভা দেউৰীয়েও কয় তেওঁলোকৰ প্ৰচাৰৰ বাবে যিদৰে ৰাইজ ওলাই আহিছে তাৰ পৰাই গম পাই যে তেওঁৰ জয় হোৱাটো নিশ্চিত ৷