Maha JanSampark Abhiyan: নিৰ্বাচনী আয়োগক ধন্যবাদ দিলে বিধায়কে

তিনিচুকীয়া,23 জুন: ড৹ শ্যামা প্ৰসাদ মুখার্জীৰ মৃত্যু তিথি উপলক্ষে মাকুম বিজেপিৰ কাৰ্যালয়ত মাকুম বিজেপি মণ্ডল সমিতিয়ে বলিদান দিৱসৰ আয়োজন কৰে ৷ বলিদান দিৱসত কেন্দ্ৰীয় মন্ত্ৰী ৰামেশ্বৰ তেলী, ডিগবৈৰ বিধায়ক সুৰেণ ফুকন, অসম প্ৰদেশ বিজেপিৰ সাধাৰণ সম্পাদক পুলক গোঁহাই উপস্থিত থাকে ৷  

ইফালে ডিগবৈ বিধানসভা সমষ্টিৰ মাকুম মণ্ডল বিজেপিৰ এখনি কাৰ্যকৰ্তাৰ সভাও অনুষ্ঠিত হয় । উক্ত সভাতে চৰকাৰৰ জনসম্পৰ্ক অভিযান, সমষ্টিৰ পুনৰ নিৰ্ধাৰণৰ বিষয়তো কাৰ্যকৰ্তা সকলৰ লগত মতবিনিময় কৰে সাংসদ আৰু বিধায়কে ৷ সেই অনুষ্ঠানতে প্ৰধানমন্ত্ৰী মোদীক পুনৰ প্ৰধানমন্ত্ৰী হিচাপে নিৰ্বাচিত কৰিবলৈ সকলোকে কাম কৰি যাবলৈ আহ্বান জনাই বিধায়ক সুৰেণ ফুকনে ।

আনহাতে, মাকুমৰ নাম এক বিধানসভা সমষ্টি হিচাপে সন্নিৱিষ্ট হোৱাত নিৰ্বাচনী আয়োগক ধন্যবাদ জ্ঞাপন কৰে বিধায়কগৰাকীয়ে ৷ ইফালে মুখ্যমন্ত্ৰীক ধন্যবাদ জনায় কেন্দ্ৰীয় মন্ত্ৰী ৰামেশ্বৰ তেলীয়ে ৷

লগতে পঢ়ক:হিমন্ত বিশ্ব শৰ্মাৰ ৰাজনৈতিক অভিলাষ পূৰণৰ হাথিয়াৰ সমষ্টি পুনৰ নিৰ্ধাৰণ; লুৰীণজ্যোতি গগৈ