Angoorlata Deka in Tezpur:ই-ৰিক্সা চালকৰ ৰূপত বিজেপি নেত্ৰী আঙুৰলতা ডেকা

তেজপুৰ,29 আগষ্ট: তেজপুৰত ই-ৰিক্সা চালকৰ ৰূপত বিজেপি নেত্ৰী আঙুৰলতা ডেকা ৷ মঙলবাৰে মহিলা সৱলীকৰণ আদৰ্শৰে অনুপ্ৰাণিত কৰিবলৈ তেজপুৰ চহৰৰ ৰাজপথত ই-ৰিক্সা চলালে অভিনেত্ৰী তথা বিজেপিৰ মহিলা মৰ্চাৰ সভানেত্ৰী আঙুৰলতা ডেকাই ৷ তেজপুৰত মহিলা মৰ্চাৰ সভানেত্ৰীৰ দায়িত্ব গ্ৰহণ কৰা দ্বিতীয় বৰ্ষপূৰ্তি অনুষ্ঠানত পাঁচ গৰাকী ই-ৰিক্সা চলোৱা মহিলাক সম্বৰ্ধনা জনাই সভানেত্ৰী ডেকাই ।

‘‘বৰ্তমান মহিলা সকলে ঘৰতে বহি থকা নাই ৷ পুৰুষৰ সমানে মহিলা আগবাঢ়ি আহিছে ৷ ই দেশখনৰ বাবে এক শুভ লক্ষণ ৷’’ এই মন্তব্য কৰে আঙুৰলতা ডেকাই ৷ আনহাতে লোকসভা আৰু পঞ্চায়ত নিৰ্বাচনৰ সন্দৰ্ভত সাংবাদিকে কৰা প্ৰশ্নৰ উত্তৰত ডেকাই কয়, ‘‘ এতিয়াও বহু দূৰ আছে ৷ মই একো নকওঁ ৷ মুখ্যমন্ত্ৰী ডাঙৰীয়াই যি কয় সেইটোৱে হ’ব ৷’’

লগতে পঢ়ক:Rape case: ধৰ্ষণৰ সন্দৰ্ভত এজাহাৰ দিবলৈ অহা ধৰ্ষিতাৰ গোচৰ ল’বলৈ অস্বীকাৰ আৰক্ষীৰ