Bhupen Hazarika birth anniversary: কোকৰাঝাৰত সুধাকণ্ঠৰ ৯৬ সংখ্যক ওপজা দিন উদযাপন

আজি সুধাকণ্ঠ ড৹ ভূপেন হাজৰিকাৰ ৯৬ সংখ্যক ওপজা দিন (Bhupen Hazarika birth anniversary) ৷ ৰাজ্যৰ বিভিন্ন প্ৰান্তৰ লগতে কোকৰাঝাৰতো বিভিন্ন দল সংগঠনে সুধাকন্ঠৰ জন্ম দিনটোক গীত-মাত আৰু বক্তৃতা অনুষ্ঠানৰ দৰে বিভিন্ন কাৰ্যসূচীৰে উদযাপন কৰে ৷ বৃহস্পতিবাৰে চহৰখনৰ মাজমজিয়াৰ শ্বহীদ বেদীত এই উপলক্ষে গৌৰাং অধ্যয়ন চক্ৰৰ উদ্যোগত অনুষ্ঠিত হয় এটি অনুষ্ঠান ৷ অনুষ্ঠানত ভূপেন হাজৰিকাৰ প্ৰতিকৃতিৰ সন্মুখত বন্তি প্ৰজ্বলন আৰু মালা অৰ্পন কৰে গৌৰাং অধ্যয়ন চক্ৰৰ কাৰ্যকৰী সভাপতি তথা কোকৰাঝাৰ বিজ্ঞান মহাবিদ্যালয়ৰ সহকাৰী অধ্যাপক ড৹ মহেশ গগৈয়ে (Bhupen Hazarika birth anniversary celebrated in Kokrajhar) ৷ লগতে এই অনুষ্ঠানত উপস্থিত থাকে বড়োলেণ্ড বিশ্ববিদ্যালয়ৰ প্ৰবক্তা তথা গৌৰাং অধ্যয়ন চক্ৰৰ সভাপতি হিল্লোল জ্যোতি সিংহ ৷