Ayushman Bhava Scheme: হোজাইত স্বাস্থ্য মেলাৰ শুভাৰম্ভণি

হোজাই,৬ অক্টোবৰ: হোজাই জিলাৰ লংকা প্ৰাথমিক চিকিৎসালয়ত আয়ুষ্মান ভৱ কাৰ্যসূচীৰ লগত সংগতি ৰাখি অনুষ্ঠিত কৰা হয় এক স্বাস্থ্য মেলা । হোজাই জিলা স্বাস্থ্য খণ্ডৰ সৌজন্যত লংকা প্ৰাথমিক চিকিৎসালয় প্ৰাংগণত এই স্বাস্থ্য মেলা অনুষ্ঠিত কৰা হয় । লংকা মহকুমা স্বাস্থ্য খণ্ডৰ অন্তৰ্গত ৰাইজৰ মাজত গুণগত চিকিৎসা সেৱা প্ৰদান, ৰোগীৰ ৰোগ নিৰ্ণয় কৰি যাবতীয় দৰব প্ৰদানৰ সমান্তৰালভাৱে চৰকাৰীভাৱে আগবঢ়োৱা বিভিন্ন স্বাস্থ্য সেৱা বিনামূলীয়াভাৱে প্ৰদান কৰাৰ লক্ষ্যৰে পুৱা ৯ বজাত এই বছৰৰ তৃতীয় স্বাস্থ্য মেলাখন শুভাৰম্ভ কৰা হয় ।  

বিভিন্ন বিভাগৰ বিশেষজ্ঞ চিকিৎসক, স্বাস্থ্য কৰ্মীয়ে স্বাস্থ্য সেৱা আগবঢ়োৱা এই মেলা শুভ উদ্বোধন কৰে লংকা মহকুমা স্বাস্থ্য বিষয়া হৰজাগিন্দৰ সিঙে । হোজাই স্বাস্থ্য বিভাগে সু-শৃংখলিতভাবে আয়োজন কৰা এই স্বাস্থ্য মেলাত স্বাস্থ্য পৰিচয় পত্ৰৰ, লগতে মধুমেহ ৰোগৰ পৰীক্ষা , উচ্চ ৰক্ত চাপ, মুখৰ কৰ্কট ৰোগ আদি বিভিন্ন ৰোগৰ স্বাস্থ্য পৰীক্ষা বিনামূলীয়াভাবে সম্পন্ন কৰি প্ৰয়োজনীয় ঔষধ যোগান ধৰা হয় এই স্বাস্থ্য মেলাত । সহস্ৰাধিক ৰোগাক্ৰান্ত ৰাইজে আজি অনুষ্ঠিত স্বাস্থ্য মেলাত পুৱাৰ পৰাই উপস্থিত হৈ হোজাই জিলাখনৰ বিভিন্ন স্থানৰ পৰা অহা বিশেষজ্ঞ চিকিৎসকৰ পৰা গুণগত স্বাস্থ্য সেৱা গ্ৰহণ কৰা পৰিলক্ষিত হয় ।  

লগতে পঢ়ক: Ambulance service: বৰহোলা সামুহিক চিকিৎসালয়ত এম্বুলেন্স সেৱা মুকলি সাংসদ তপন কুমাৰ গগৈৰ