Atal Bihari Vajpayee birth anniversary: ৰঙিয়াত বিজেপিৰ সুশাসন দিৱস পালন

প্ৰয়াত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ জন্মজয়ন্তী উপলক্ষে দেওবাৰে ৰঙিয়াত সুশাসন দিৱস উদযাপন কৰা হয় (Atal Bihari Vajpayee's 95th birth anniversary) । অনুষ্ঠানটোৰ লগত সংগতি ৰাখি প্ৰধানমন্ত্ৰীৰ মন কি বাত অনুষ্ঠান আজি ৰঙিয়াৰ বতাকুছিৰ দুৰ্গা মন্দিৰ প্ৰাংগনত সম্প্ৰচাৰ কৰা হয় । এই অনুষ্ঠানত অংশগ্ৰহণ কৰে বিজেপিৰ ৰাজ্যিক সভাপতি তথা ৰঙিয়া সমষ্টিৰ বিধায়ক ভৱেশ কলিতাৰ(BJP state president Bhabesh Kalita) লগতে বিজেপিৰ কৰ্মকৰ্তাসকলে । প্ৰায় এহেজাৰ কৰ্মকৰ্তা উপস্থিত থকা মন কি বাত অনুষ্ঠানটোৰ অন্তত বিজেপিৰ সভাপতি ভৱেশ কলিতাই কয় যে প্ৰয়াত প্ৰধানমন্ত্ৰী অটল বিহাৰী বাজপেয়ী নৱ ভাৰতৰ সৃষ্টিকৰ্তা । প্ৰয়াত প্ৰধানমন্ত্ৰীগৰাকীয়ে গ্রাম চড়ক যোজনা, সৰ্বশিক্ষা মিছন, ইষ্ট-ৱেষ্ট কৰিডৰৰ লগতে সমগ্ৰ দেশকেই সংযুক্ত কৰা ৰাষ্ট্ৰীয় ঘাইপথ নিৰ্মাণ আদিৰ দৰে কামবোৰ কৰি যোৱাৰ বাবে ইয়াৰ ফল প্ৰতিগৰাকী ভাৰতীয়ই ভোগ কৰিব পাৰিছে ।