1 ডিচেম্বৰত তিনিচুকীয়াত অনুষ্ঠিত হ’ব ৰাজ্য চৰকাৰৰ কেবিনেট বৈঠক

তিনিচুকীয়া, 27 নৱেম্বৰ : শাসকীয় চৰকাৰখনে বিভিন্ন সময়ত ৰাজ্যৰ কেইবাখনো জিলাত আয়োজন কৰি আহিছে গুৰুত্বপূৰ্ণ কেবিনেট বৈঠক ৷ এইবাৰ 1 ডিচেম্বৰত চৰকাৰৰ এক গুৰুত্বপূৰ্ণ কেবিনেট বৈঠক অনুষ্ঠিত হ’ব তিনিচুকীয়াত ৷ তিনিচুকীয়া সমষ্টিৰ বিধায়ক তথা শ্ৰম মন্ত্ৰী সঞ্জয় কিষাণে এই কথা জানিবলৈ দিয়াৰ লগতে কেবিনেটত নিশ্চয়কৈ তিনিচুকীয়াৰ বাবে ভাল খবৰ আহিব বুলি উল্লেখ কৰে ৷

1 ডিচেম্বৰত তিনিচুকীয়াৰ গেলাপুখুৰীৰ বাইপাছৰ কাষত নতুনকৈ নিৰ্মাণ কৰা অতি উন্নত মানৰ কনভেনশ্যন চেন্টাৰত পুৱা 11 বজাৰ পৰা কেবিনেট বৈঠকখন আৰম্ভ হ’ব ৷ কেবিনেট বৈঠকৰ সামৰণিৰ পাছতে মুখ্যমন্ত্ৰী ড৹ হিমন্ত বিশ্ব শৰ্মাই খেল মহাৰণ কাৰ্যসূচী সন্দৰ্ভত এক আলোচনাত মিলিত হোৱাৰ লগতে সন্ধিয়া 7 বজাত তিনিচুকীয়া জিলা ক্ৰীড়া সন্থাৰ খেলপথাৰত আয়োজিত মুখ্যমন্ত্ৰীৰ চাহ বাগিচা স্বৰ্ণকাপ ফুটবল প্ৰতিযোগিতাৰ চূড়ান্ত খেলত উপস্থিত থাকিব বুলি সদৰী কৰে শ্ৰম মন্ত্ৰী সঞ্জয় কিষাণে ৷ 

লগতে পঢ়ক : ভৰলু-উত্তৰ গুৱাহাটী সংযোগী দলং সম্পূৰ্ণ হ’লেই ঠিকনা সলনি হ’ব ফাঁচী বজাৰৰ