Love Jihad controversy: ভূপেন বৰাক সত্ৰৰ ভকত হ’বলৈ আহ্বান প্ৰদেশ কংগ্ৰেছৰ কাৰ্যকৰী সভাপতি ৰাণা গোস্বামীৰ

যোৰহাট, 28 জুলাই : লাভ জিহাদ সন্দৰ্ভত প্ৰদেশ কংগ্ৰেছৰ সভাপতি ভূপেন বৰাৰ মন্তব্যই ৰাজ্যজুৰি সৃষ্টি কৰিছে তীব্ৰ প্ৰতিক্ৰিয়াৰ ৷ ইতিমধ্যে এই মন্তব্য সন্দৰ্ভত প্ৰদেশ কংগ্ৰেছৰ সভাপতিগৰাকীয়ে শুকুৰবাৰে পুৱাই এক সংবাদমেল যোগে ক্ষমা বিচাৰিছে ৷ এইবাৰ এই বিতৰ্ক সন্দৰ্ভত মুখ খুলিছে প্ৰদেশ কংগ্ৰেছৰ কাৰ্যকৰী সভাপতি ৰাণা গোস্বামীয়ে ৷  

ৰাণা গোস্বামীয়ে কয় যে, ভূপেন বৰাৰ শাস্ত্ৰৰ জ্ঞান আছে; মহাভাৰত, ৰামায়ণ চৰ্চা কৰিছে ৷ কিন্ত যোৱাকালি অপ্ৰয়োজনীয় শব্দ ওলাই গল ৷ এই কথা ৰাণা গোস্বামীক টেলিফোন যোগে ভূপেন বৰাই অৱগত কৰিছিল বুলি উল্লেখ কৰে কাৰ্যকৰী সভাপতিগৰাকীয়ে ৷  

ভূপেন বৰাক সত্ৰ লৈ গৈ তাত কিছুদিন ভকত হোৱাৰ আহ্বান ৰাণা গোস্বামীৰ ৷ সত্ৰত সত্ৰাধিকাৰ প্ৰভুৰ ওচৰত শাস্ত্ৰ,ভাগৱতৰ জ্ঞান লৈ আহক আৰু সত্ৰত থাকি সত্ৰৰ সংস্কাৰ লওক ৷ সত্ৰত কিছুদিন থাকি মন মুকলি কৰি পুনৰ তেওঁ ৰাজনীতিলৈ ঘূৰি আহক বুলি কয় ৰাণা গোস্বামীয়ে ৷ তেওঁ নথকা কেইদিন দল চলাবলৈ আমি আছো বুলিও মন্তব্য কৰে কাৰ্যকৰী সভাপতিগৰাকীয়ে ৷ 

লগতে পঢ়ক : FRI Against Bhupen Bora : বহুৱা আখ্যা দি ভূপেন বৰাৰ বিৰুদ্ধে হাতত এজাহাৰ লৈ কলিয়াবৰত সত্যৰঞ্জন