Night Bus Drivers Association: নৈশ বাছ চালক সন্থাৰ বৰ্ষপূৰ্তি অনুষ্ঠান উপস্থিত নাথাকিল কোনো মালিক

গুৱাহাটী, ২৭ আগষ্ট: ক্ষোভ আৰু ভগ্ন হৃদয়েৰে উদযাপন কৰা হ'ল সদৌ অসম দিবা নৈশ বাছ চালক সন্থাৰ দ্বিতীয় বৰ্ষপূৰ্তি অনুষ্ঠান । মহানগৰীৰ আই এছ বি টিত দেওবাৰে অনুষ্ঠিত কৰা হয় এই অনুষ্ঠানৰ । বাছ চালক সন্থাৰ বৰ্ষপূৰ্তি অনুষ্ঠানত প্ৰতিজন বাছ মালিকক ঘৰে ঘৰে গৈ নিমন্ত্ৰণ জনোৱাৰ পিছতো উপস্থিত নহ'ল এজনো মালিক । সেয়েহে নৈশ বাছ চালক সন্থাৰ সদস্য ৰূপম দত্তই চালকসকলৰ সৈতে আচলতে মালিকসকল আছে নে নাই সেই বিষয়ে সন্দেহ প্ৰকাশ কৰে ।

আজিৰ এই অনুষ্ঠানত উপস্থিত থাকে বাক্সা জিলাৰ সহকাৰী আয়ুক্ত বিদিশা বৰা,"লাইফ অৱ এ ড্ৰাইভাৰ"ৰ স্ৰষ্টা ৰূপম দত্ত আৰু বাছৰ চালক-পৰিচালকসকল । এই অনুষ্ঠানতেই দুগৰাকী বাছ চালকৰ সন্তানক প্ৰদান কৰা হয় নগদ ধন আৰু মানপত্ৰ । অৰিফা বেগম আৰু ৰোহিত গীৰিক তেওঁলোকৰ কলেজীয়া শিক্ষাৰ বাবে প্ৰদান কৰা হয় এই উপহাৰ ।  

আজিৰ এই অনুষ্ঠানৰ জৰিয়তে বিগত সময় চোৱাত প্ৰাণ হেৰুওৱা দুগৰাকী বাছ চালকৰ পৰিয়ালক প্ৰদান কৰা হয় আৰ্থিক সাহায্য । নীপুল দাস আৰু অমঞ্জিত নাৰ্জাৰিৰ পৰিয়ালক প্ৰদান কৰা হয় এই সাহায্য় ।

লগতে পঢ়ক: Lok Sabha election 2024: যেনে তেনে এখন আসন কংগ্ৰেছলৈ এৰিব খুজিছে দিলীপ শইকীয়াই