Cricket tournaments in Majuli: মাজুলীত সদৌ অসম ভিত্তিত ক্ৰিকেট প্ৰতিযোগিতা

মাজুলী,২৪ মাৰ্চ: পূৱ মাজুলীৰ বনগাঁও টাউন ক্লাৱৰ সৌজন্যত আৰু সমূহ পূব মাজুলীবাসী ৰাইজৰ সহায় সহযোগিতাত শুকুৰবাৰৰ পৰা ২৬ মাৰ্চ ২০২৩ তাৰিখলৈকে বনগাঁও খেলপথাৰত তিনিদিনীয়াকৈ অনুষ্ঠিত কৰা হৈছে এখনি প্ৰাইজমনি অসম ভিত্তিত দিবা নৈশ টেনিছ বল ক্ৰিকেট প্ৰতিযোগিতা । পুৱাৰভাগত পৰিৱেশ চাফাকৰণ, বৃক্ষৰোপন, পতাকা উত্তোলনৰে কাৰ্যসূচীৰে শুভাৰম্ভ হয় প্ৰতিযোগিতাখনৰ(All Assam based cricket tournament in Majuli) ।  

এই দিবা নৈশ টেনিছ বল ক্ৰিকেট খেলখনৰ শুভাৰম্ভ কৰে সমাজকৰ্মী বিতোপন দলেই(Cricket tournaments in Majuli) । প্ৰতিযোগিতাখনিত ৩২ টা দলে অংশগ্ৰহণ কৰিব বুলি আয়োজক সকলে জানিবলৈ দিয়ে(Tennis ball cricket tournament in Majuli) । টেনিছ বল ক্ৰিকেট প্ৰতিযোগিতাখনত প্ৰথম পুৰস্কাৰ ৭০,০০০ টকা, দ্বিতীয় পুৰস্কাৰ ৪০,০০০টকা, মেন অফ দা চিৰিজ ১০,০০০ টকা, মেন অফ দা মেটচ ৫,০০০টকা, শ্ৰেষ্ঠ বেটছমেন ২৫০০ টকা আৰু শ্ৰেষ্ঠ বলাৰক ২৫০০ টকাৰে পুৰস্কৃত কৰা হ'ব বুলি উদ্যোক্তাসকলে জানিবলৈ দিয়ে ।  

এই প্ৰতিযোগিতাখনৰ বিষয়ে অধিক জানিবলৈ ৮৭৫১৮৭১৮৬৮, ৭০০২৫২৭২৯৯ নম্বৰত যোগাযোগ কৰিবলৈ আহ্বান জনাই উদ্যোক্তাসকলে । আয়োজকসকলে অসমৰ বিভিন্ন প্ৰান্তৰ ক্ৰিকেট দলসমূহৰ উপস্থিতি কামনা কৰাৰ লগতে আয়োজকসকলৰ লগতে খেলুৱৈ সকলক উৎসাহ জনাবলৈ ক্ৰিকেটপ্ৰেমী ৰাইজৰ উপস্থিতি আন্তৰিকতাৰে কামনা কৰিছে । 

লগতে পঢ়ক: Pathetic road condition: জৰাজীৰ্ণ পথৰ বাবে দুৰ্ভোগ টীয়কবাসীৰ