Congress Slams AIUDF : এআইইউডিএফক প্ৰত্যাহ্বান জনাই নগাঁও-কলিয়াবৰ লোকসভা সমষ্টি দখলৰ ৰণনীতি কংগ্ৰেছৰ

নগাঁও, ২০ জুন : বিগত লোকসভা নিৰ্বাচনত এআইইউডিএফৰ বোকোচাত উঠি নগাঁও আৰু কলিয়াবৰ লোকসভা সমষ্টি দখল কৰিবলৈ সক্ষম হোৱা কংগ্ৰেছে এইবাৰ এআইইউডিএফক প্ৰত্যাহ্বান জনাই নিৰ্বাচনত অৱতীৰ্ণ হ'বলৈ সাজু হৈছে । মঙলবাৰে নগাঁৱত উপস্থিত হোৱা অসম প্ৰদেশ কংগ্ৰেছৰ সভাপতি ভূপেন বৰাই এই সন্দৰ্ভত কেইবাটাও মন্তব্য কৰে ।

এআইইউডিএফৰ বিৰুদ্ধে নিৰ্বাচনত অৱতীৰ্ণ হৈ পূৰ্বে কংগ্ৰেছে নিৰ্বাচন জিকাৰ উদাহৰণ আছে বুলি সংবাদ মাধ্যমৰ সন্মুখত প্ৰদেশ কংগ্ৰেছৰ সভাপতি ভূপেন বৰাই মন্তব্য কৰে । আনহাতে, এআইইউডিএফ দলে প্ৰাৰ্থী দিলেও নগাঁও আৰু কলিয়াবৰ লোকসভা সমষ্টিত কংগ্ৰেছৰ প্ৰাৰ্থী জয়ী হোৱাটো নিশ্চিত বুলি তেওঁ মন্তব্য কৰে ।

ইপিনে মণিপুৰত সংঘটিত সংঘৰ্ষ সন্দৰ্ভতো মন্তব্য আগবঢ়ায় ভূপেন বৰাই । বিদেশ ভ্ৰমণত প্ৰধানমন্ত্ৰী ব্যস্ত থকাৰ কথা উল্লেখ কৰি ভূপেন বৰাৰ মন্তব্য, স্বদেশতকৈ বিদেশত থাকি ভালপায় প্ৰধানমন্ত্ৰীয়ে । আনহাতে, প্ৰধানমন্ত্ৰীয়ে মণিপুৰৰ সংঘৰ্ষ সন্দৰ্ভত কোনো গুৰুত্ব প্ৰদান নকৰাৰ অভিযোগ উত্থাপন কৰে প্ৰদেশ কংগ্ৰেছৰ সভাপতি ভূপেন বৰাই ।

লগতে পঢ়ক :Jorhat Court Transfer: ধন ধাৰ লৈ ভৱন নিৰ্মাণ কৰি মুখ্যমন্ত্ৰীয়ে কেৱল ঠিকাদাৰ সৃষ্টি কৰিছে: ৰাণা গোস্বামী