হোজাইত অখিল ভাৰতীয় বিদ্যাৰ্থী পৰিষদৰ প্ৰতিষ্ঠা দিৱস পালন

অখিল ভাৰতীয় বিদ্যাৰ্থী পৰিষদৰ প্ৰতিষ্ঠা দিৱস শনিবাৰে দিনজোৰা কাৰ্যসূচীৰে হোজাইত পালন কৰা হয় (ABVP) ৷ প্ৰতিষ্ঠা দিৱসৰ লগত সংগতি ৰাখি লংকা শাখাৰ উদ্যোগত ৰাষ্ট্ৰীয় বিদ্যাৰ্থী দিৱস উপলক্ষে লংকাৰ লংকেশ্বৰী নাট্য মন্দিৰৰ প্ৰাংগনত বিশেষ অভিনন্দন অনুষ্ঠানৰ আয়োজন কৰা হয় ৷ অনুষ্ঠানত কীৰ্তি ছাত্ৰ-ছাত্ৰীৰ লগতে হাইস্কুল শিক্ষান্ত পৰীক্ষাত আৰু উচ্চতৰ মাধ্যমিক পৰীক্ষাত সফলতাৰ উৰ্ত্তীণ হোৱা প্ৰায় ৩৭০ গৰাকী ছাত্ৰ-ছাত্ৰীক সম্বৰ্দ্ধনা জনোৱা হয় ৷ অনুষ্ঠানটোত বিশেষ অতিথি হিচাপে লংকা মহাবিদ্যালয়ৰ অধ্যক্ষ আৰু গুৱাহাটী বিশ্ববিদ্যালয়ৰ পৰীক্ষাৰ নিৰীক্ষক উপস্থিত থাকে বুলি উদ্যোক্তাই জানিব দিয়ে।