ABSU protest at Baksa : বাক্সাৰ বৰমা মহাবিদ্যালয়ত এবছুৰ ধৰ্ণা কাৰ্যসূচী

বাক্সা, 7 ছেপ্টেম্বৰ : বাক্সা জিলাৰ বৰমা মহাবিদ্যালয়ত বড়োলেণ্ড বিশ্ববিদ্যালয়ৰ উপাচাৰ্য লাইশ্ৰাম লাড্ডু সিঙক বৰ্খাস্ত কৰাৰ দাবীত বৃহস্পতিবাৰে এবছুৱে ধৰ্ণা কাৰ্যসূচী ৰূপায়ণ কৰে ৷ প্ৰতিবাদকাৰীসকলে হাতে হাতে বেনাৰ প্লেকাৰ্ড লৈ এবছু লং লিভ, আমাক ন্যায় লাগে, বড়োলেণ্ড ইউনিভাৰ্চিটিক ৰক্ষা কৰক, ছাত্ৰ-ছাত্ৰীৰ লগত হেতালি খেলা বন্ধ কৰক, লাইশ্ৰাম লাড্ডু সিং হায় হায় আদি শ্লোগানেৰে উত্তাল কৰি তোলে বৰমা মহাবিদ্যালয় চৌহদ ৷

প্ৰতিবাদকাৰী সকলে লাইশ্ৰাম লাড্ডু সিঙক অতি শীঘ্ৰে বৰ্খাস্ত কৰাৰ দাবী তোলে ৷ যেতিয়ালৈকে চৰকাৰে এই দাবী মানি নলয় তেতিয়ালৈকে তেওঁলোকে প্ৰতিবাদ কৰি যাব বুলি কোৱাৰ লগতে এবছুয়ে ইয়াতকৈ আৰু ভয়াবহ আন্দোলন গঢ়ি বুলি চৰকাৰক সকীয়াই দিয়ে ৷ আজিৰ ধৰ্ণা কাৰ্যসূচীত উপস্থিত থাকে বাক্সা জিলা এবছুৰ সম্পাদক নন্দেশ্বৰ বড়ো, বৰমা এবছুৰ সভাপতি অনচুমা বড়ো, সম্পাদক মহন্ত বড়ো আৰু বড়িমাখা, মেদাঘাট আঞ্চলিকৰ বিষয়ববীয়া সকল ৷ 

লগতে পঢ়ক : Electricity camp in Nagaon: মুখ্যমন্ত্ৰী ড৹ শৰ্মাক মিছলীয়া আখ্যা ননৈ গোমোঠা গাঁওবাসীৰ