AAP Protest in Nalbari: আপক বিপদত পেলাবলৈ বিজেপিয়ে ষড়যন্ত্ৰ কৰাৰ অভিযোগ আপ কৰ্মীৰ

নলবাৰী, 2 নৱেম্বৰ : আপৰ নেতা তথা দিল্লীৰ মুখ্যমন্ত্ৰী অৰবিন্দ কেজৰিৱাললৈ ই ডিয়ে প্ৰেৰণ কৰা জাননীক লৈ সৰ্বত্ৰে প্ৰতিক্ৰিয়া ৷ আপৰ মুৰব্বী গৰাকীলৈ ই ডিয়ে প্ৰেৰণ কৰা জাননীক বিজেপিয়ে কৰা ষড়যন্ত্ৰ আখ্যাৰে বৃহস্পতিবাৰে নলবাৰীত প্ৰতিবাদ সাব্যস্ত কৰে আপ কৰ্মীয়ে ৷ আজি আপৰ নলবাৰী জিলা সমিতিয়ে নলবাৰী হৰি মন্দিৰ চ’কত বিজেপিৰ বিৰুদ্ধে প্ৰতিবদী কাৰ্যসূচী ৰূপায়ন কৰে ।

আপৰ নলবাৰী জিলা সমিতিয়ে আজি প্ৰতিবাদী কাৰ্যসূচীৰ জৰিয়তে বিজেপি চৰকাৰ মুৰ্দাবাদ, বিজেপিয়ে অৰবিন্দ কেজৰিৱালৰ ওপৰত কৰা ষড়যন্ত্ৰ বন্ধ কৰক আদি বিভিন্ন শ্লোগান প্ৰদান কৰি বিজেপিক কঠোৰ ভাষাৰে সমালোচনা কৰে ৷ 

‘‘ I.N.D.I.A লৈ ভয় কৰিছে বিজেপিয়ে ৷ নিৰ্বাচনৰ সময়ত যাতে আপৰ নেতাসকলে প্ৰচাৰ চলাব নোৱাৰে তাৰ বাবে বিজেপিয়ে ই ডি লগাই এই কাম কৰিছে ৷’’ এই মন্তব্য প্ৰতিবাদকাৰীৰ ৷

লগতে পঢ়ক:Lat mandal arrested: জেপত সুমুৱাবলৈ নাপালে নয়নমণিয়ে লক্ষ্মীক