Kickboxing Championship in Lakhimpur: লখিমপুৰত সদৌ অসম ভিত্তিক কিক বক্সিং প্ৰতিযোগিতা

লখিমপুৰ নগৰৰ ত্যাগক্ষেত্রত শুকুৰবাৰৰ পৰা চাৰিদিনীয়া কাৰ্যসূচীৰ আৰম্ভ হ’ব সপ্তম সদৌ অসম কিক বক্সিং প্ৰতিযোগিতা(7th All Assam Kickboxing Championship) । সদৌ অসম কিক বক্সিং ফেডাৰেচনৰ উদ্যোগত আয়োজিত এই প্ৰতিযোগিতাত ৰাজ্যৰ ২৩ খন জিলাৰ প্ৰায় সাতশ খেলুৱৈয়ে অংশগ্রহণ কৰিব(Kickboxing Championship held in Lakhimpur) । আনহাতে ষষ্ঠ সদৌ অসম পেশাদাৰী কিক বক্সিং প্ৰতিযোগিতাখনো লখিমপুৰ জিলা কিক বক্সিং সন্থা আৰু একেএফ মাৰ্চিয়েল আৰ্টচ এণ্ড ফিটনেচ একাডেমীৰ উদ্যোগত একেলগে অনুষ্ঠিত হ’ব । সপ্তম সদৌ অসম কিক বক্সিং প্ৰতিযোগিতাৰ বিজয়ী খেলুৱৈসকলক পদক আৰু মানপত্রৰে সন্মানিত কৰাৰ বিপৰীতে ষষ্ঠ সদৌ অসম পেশাদাৰী কিক বক্সিং প্ৰতিযোগিতাৰ চেম্পিয়নক টাইটেল বেল্ট আৰু নগদ ধনেৰে পুৰস্কৃত কৰা হ’ব । আনহাতে ৰাৰ্ণাছ আপ খেলুৱৈসকলক ট্ৰফীসহ নগদ ধনেৰে পুৰস্কৃত কৰা হ’ব বুলি উদ্যোক্তাসকলে জানিবলৈ দিয়ে । ইচ্ছুক খেলুৱৈসকলক ৮৬৩৮৯১৪৯২৫ নম্বৰত যোগাযোগ কৰিবলৈও আদৰণি সমিতিয়ে আহ্বান জনাইছে ।