বৰ্ণিল শোভাযাত্ৰাৰে আৰম্ভ 50 সংখ্যক কাৰ্বি যুৱ মহোৎসৱ

ডিফু, ২৩ জানুৱাৰী : আৰম্ভ হ’ল 50 সংখ্যক কাৰ্বি যুৱ মহোৎসৱ ৷ সোণালী জয়ন্তী বৰ্ষৰ কাৰ্বি যুৱ মহোৎসৱৰ প্ৰথমটো দিনতেই দেখা গ’ল চালে চকুৰোৱা বিভিন্ন কাৰ্যসূচী ৷

যুৱ মহোৎসৱৰ সোণালী জয়ন্ত বৰ্ষৰ কাৰ্যসূচীত দেখা গ’ল পৰম্পৰাগত সাজ-পোছাক পৰিধান কৰি পাঁচ সহস্ৰাধিক শিল্পীৰ দ্বাৰা শোভাযাত্ৰা ৷ কাৰ্বি ক্লাবৰ পৰা তাৰালাংচৰ বাকৰিলৈ উলিওৱা হয় উক্ত ৰংকেতন, শোভা যাত্ৰা ৷

শনিবাৰৰ পৰা আনুষ্ঠানিকভাৱে আৰম্ভণি হয় কাৰ্বি-ডেকা গাভৰুৰ হিয়াৰ স্পন্দন কাৰ্বি যুৱ মহোৎসৱ ৷ উল্লেখ্য যে ১৯৭৪ চনত ডিফুস্থিত কাৰ্বি ক্লাবত আৰম্ভ হৈছিল কাৰ্বি যুৱ মহোৎসৱ ৷ উক্ত যুৱ মহোৎসৱ আহি আহি গৌৰৱোজ্জল সোণালী জয়ন্তীৰ বৰ্ষত ভৰি দিলেহি ৷

শনিবাৰে ঐতিহ্যবাহী কাৰ্বি ক্লাবৰ পৰা বাহিৰ কৰা শোভাযাত্ৰাত কাৰ্বি আংলং আৰু বিভিন্ন প্ৰান্তৰ প্ৰায় ৫০ মাণ্ডলিকৰ শিল্পীসকলে অংশগ্ৰহণ কৰে ৷ মুঠৰ ওপৰত আজিৰে পৰা ডিফুৰ তাৰালাংচত এক উখল-মাখল পৰিৱেশে বিৰাজ কৰিছে ৷

লগতে পঢ়ক: কাৰ্বি যুৱ মহোৎসৱৰ সোণালী জয়ন্তী উপলক্ষে চাইক্লিং প্ৰতিযোগিতা