3 people Missing: পৰশুৰামকুণ্ডত সন্ধানহীন একেটা পৰিয়ালৰে তিনি সদস্য

তিনিচুকীয়া, ২৫ আগষ্ট: অৰুণাচল প্ৰদেশৰ লোহিত জিলাত শুকুৰবাৰে পুৱা এক শোকাৱহ ঘটনা সংঘটিত হয় ৷ লোহিত জিলাত অৱস্থিত ধৰ্মীয় পৰ্যটনস্থলী পৰশুৰামকুণ্ডত গা-ধুবলৈ গৈ খৰস্ৰোতা নৈৰ সোঁতত তিনিচুকীয়া জিলাৰ কাকপথাৰৰ একেটা পৰিয়ালৰ তিনিগৰাকী সদস্য উটি যায় ৷ নিখোজ তিনি সদস্য হৈছে মনোজ শ্বাহ, শ্বাহৰ পত্নী শোভা দেৱী আৰু মণিপুৰৰ পৰা অহা মনোজ শ্বাহৰ শাহুৱেক ৷ পৰশুৰামকুণ্ডৰ লোহিত নদীত বৰ্তমানো সন্ধানহীন হৈ আছে তিনি সদস্য ৷

ইতিমধ্যে কাকপথাৰৰ পৰা পৰিয়ালৰ লোক পৰশুৰামকুণ্ডলৈ ৰাওনা হৈছে ৷ বাতৰি যুগুত কৰা সময়লৈকে ঘটনাস্থলীত বহু দেৰিলৈ SDRF বা NDRF ৰ উদ্ধাৰকাৰী দল উপস্থিত হোৱা নাছিল ৷ এই ঘটনাৰ খবৰ পোৱাৰ পিচতে পৰিয়ালটোত কান্দোনৰ ৰোল উঠিছে ৷

লগতে পঢ়ক: Assam weather forecast:পুনৰ অসমত প্ৰৱল বৰষুণৰ সম্ভাৱনা