Road accident in Kaziranga: কয়লা ভৰ্তি ট্ৰাকৰ খুন্দাত এটা পৰিয়ালৰ তিনিজনৰ মৃত্যু

ভোগালীৰ উচাহ-উদ্দীপনাৰ মাজতে কাজিৰঙাৰ হাতীখুলিত শনিবাৰে পুৱা এটা ভয়াবহ পথ দুৰ্ঘটনা সংঘটিত হয় (Road accident at Kaziranga)৷ পুৱা প্ৰায় 5.30 মান বজাত কয়লা ভৰ্তি এখন ট্ৰাকে পথেৰে খোজকাঢ়ি গৈ থকা অৱস্থাত পাঁচজন লোকক  মহতিয়াই নিয়ে(3 died in road accident)৷ ইয়াৰে চিকেন্দৰ কৰ্মকাৰ, জগন্নাথ কৰ্মকাৰ আৰু আগনেশ কৰ্মকাৰ নামৰ তিনিজনৰ ঘটনাস্থলীতে মৃত্যু হয় ৷ 

মৃত তিনিজনও লোক হাতীখুলিৰ একেটা পৰিয়ালৰে বুলি জানিব পৰা গৈছে ৷ এই শোকাৱহ দুৰ্ঘটনাটোত গুৰুতৰভাৱে আহত হৈছে মেগনাথ কৰ্মকাৰ আৰু বজৰংগী কৰ্মকাৰ নামৰ আন দুজন লোক  (Two Injured in Road Accident)৷ দুয়োজনকে সংকটজনক অৱস্থাত কহঁৰা বেজা বৈষ্ণৱ চিকিৎসালয়ত ভৰ্তি কৰা হৈছে ৷ 

ইপিনে দুৰ্ঘটনাটো সংঘটিত হোৱাৰ পিছতেই চকা ফুটি যোৱাৰ ফলত দুৰ্ঘটনাস্থলীৰ কাষৰেই এখন দলঙৰ তলত সোমাই পৰে সেই অভিশপ্ত ট্ৰাকখন ৷ ইয়াৰ মাজতে দুৰ্ঘটনা সংঘটিত কৰা ট্ৰাকখনৰ চালক আৰু হেণ্ডিমেনজন পলায়ন কৰে  ৷