Massive fire in Guwahati : মহানগৰীৰ পাণ্ডুত ভয়ংকৰ অগ্নিকাণ্ড

মহানগৰীৰ পাণ্ডুত ভয়ংকৰ অগ্নিকাণ্ড (Massive fire in Guwahati) ৷ পাণ্ডু ৰে’লৱে বজাৰৰ সমীপৰ লোক কলনিত সংঘটিত হৈছে এই অগ্নিকাণ্ডৰ ঘটনা । শুকুৰবাৰে দুপৰীয়া 12.20 বজাত সংঘটিত হয় এই অগ্নিকাণ্ড ৷ জুইৰ লেলিহান শিখাই নিমিষতে ছাই কৰিলে দুটাকৈ বাসগৃহ ৷ এই অগ্নিকাণ্ডৰ ফলত কথামপি ৰক্ষা পৰে দুটাকৈ পৰিয়াল ৷ সুনিল বাছফোৰ আৰু ৰামপ্ৰীত বাছফোৰৰ তৰ্জা আৰু টিনেৰে নিৰ্মিত 5 টাকৈ কোঠালীৰ দুটাকৈ ঘৰ অগ্নিকাণ্ডত জাহ যায় । এই অগ্নিকাণ্ডৰ ফলত এটা চিলিণ্ডাৰ বিস্ফোৰণ হোৱাৰ লগতে ঘৰ দুটাত থকা সা সামগ্ৰী, সোণৰ অলংকাৰসহ প্ৰায় 7 লাখ টকাৰ সা-সম্পত্তি ভস্মিভূত হয় । ইফালে কিহৰ পৰা জুই সূত্ৰপাত হয় তাৰ প্ৰকৃতি কাৰণ এতিয়াও জানিব পৰা হোৱা নাই ৷