মুকালমুৱাৰ কুটনিকুচিত ভূমিকেন্দ্ৰিক সংঘাতত হতাহত বহুজন

নলবাৰীৰ মুকালমুৱা কুটনিকুচিত বৃহস্পতিবাৰে নিশা সংঘটিত এক ভূমিকেন্দ্ৰিক সংঘাতত মহিলা, বৃদ্ধাকে ধৰি কেইবাজনো লোক গুৰুতৰভাৱে আহত হয়(land centric violence in Nalbari) । চোকা অস্ত্ৰৰ আক্ৰমণ, টাঙোনৰ প্ৰহাৰত আহত হোৱা দুই পক্ষৰ প্ৰায় আঠগৰাকীকৈ লোকক ততাতৈয়াকৈ মুকালমুৱা চিকিৎসালয়লৈ প্ৰেৰণ কৰা হয় ৷ আহত লোককেইজন ক্ৰমে চাদেক আলী, চুৰাত জামান, হাকিম আলী, নিলচান্দ আলী, কৈতাৰ জান নেচা, আচদ আলী, তাচমিনা পাৰবিন আৰু আছমা খাতুন । সীমা বিবাদক কেন্দ্ৰ কৰিয়েই এই মাৰপিটৰ ঘটনা সংঘটিত হোৱা বুলি জানিব পৰা গৈছে । এই ঘটনাৰ পিছতে বহু চৰকাৰী কৰ্মচাৰীয়েও মাটিৰ দালালিৰ লগত জড়িত থকাৰ অভিযোগ উত্থাপন কৰিছে স্থানীক লোকে ।