কাকীত মন্দিৰৰ পৰা চুৰ হোৱা সামগ্ৰীসহ আটক এজন

অৱশেষত উদ্ধাৰ হ’ল বিগত 7 এপ্ৰিলত ৬ নং গাঁৱৰ বিষ্ণু আৰু শিৱ মন্দিৰৰ পৰা চুৰ হোৱা বহু সামগ্ৰী (Kaki police rescue stolen items) ৷ দেওবাৰে হোজাই জিলাৰ আৰক্ষী অধীক্ষক বৰুণ পুৰুকায়স্থৰ বিশেষ তৎপৰতাত কাকী আৰক্ষী থানাৰ ভাৰপ্ৰাপ্ত বিষয়া ৰাজু ৰয়ে হোজাইত চলাই এক অভিযান ৷ এই অভিযানত আৰক্ষীয়ে আটক কৰিবলৈ সক্ষম হয় এজন লোকক (Kaki police arrested a thief) ৷ আটকাধীন লোকজন কাকীৰ জালালউদ্দিন বুলি জানিব পৰা গৈছে ৷ আৰক্ষীয়ে উল্লেখ কৰা অনুসৰি, মন্দিৰৰ পৰা চুৰি কৰা পিতলৰ সামগ্ৰী লগতে মন্দিৰ মূৰ্তিসমূহ ভাঙি চোৰাং বজাৰত বিক্ৰী কৰা অৱস্থাত জালাল উদ্দীনক আটক কৰে আৰক্ষীয়ে । বৰ্তমানো আটকাধীন ধৃত লোকজনক কাকী আৰক্ষীয়ে জেৰা অব্যাহত ৰাখিছে ৷