Triranga Yatra at Mangaldoi: মঙলদৈত গাওঁৰক্ষী বাহিনীৰ উদ্যোগত ত্ৰিৰংগ যাত্ৰা

দেশৰ ৭৫তম স্বাধীনতা দিৱসৰ (75th Independence Day) লগত সংগতি ৰাখি দেশজুৰি আয়োজন কৰা হৈছে "স্বাধীনতাৰ অমৃত মহোৎসৱ" (Azadi ka Amrit Mahotsav) ৷ ইয়াৰ অংশ হিচাপে মঙলদৈ আৰক্ষী থানা এলেকাৰ গাওঁৰক্ষী বাহিনীৰ সদস্য সকলে এক ত্ৰিৰংগ যাত্ৰা কাৰ্যসূচী ৰূপায়ণ কৰে (Triranga Yatra at Mangaldoi)। মঙলদৈ সদৰ থানা এলেকাৰ দুই শতাধিক গাওঁৰক্ষী বাহিনীৰ সদস্যই অংশগ্ৰহণ কৰা এই ত্ৰিৰংগ যাত্ৰাৰ জৰিয়তে ৭৫ সংখ্যক স্বাধীনতা দিৱস উপলক্ষে জনসাধাৰণৰ মাজত সজাগতা সৃষ্টি কৰা হয় ৷ এই যাত্ৰাত অংশ লৈ মঙলদৈ সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া মুকুট কাকতিয়ে স্বাধীনতাৰ অমৃত মহোৎসৱ উপলক্ষে ভাৰতৰ ৭৫ সংখ্যক স্বাধীনতা দিৱসৰ ১৩,১৪ আৰু ১৫ আগষ্টত প্ৰতিঘৰ ভাৰতীয় নাগৰিকৰ বাসগৃহত সন্মান সহকাৰে ত্ৰিৰংগ পতকা উত্তোলন কৰিবলৈ আহ্বান জনায় ।