নিশা সোমাল বেংকত, ধন নাপাই হতাশ মনেৰে উভতিল চোৰ

চামগুৰি, 25 নৱেম্বৰ : চামগুৰিৰ অন্তৰ্গত কঠালগুৰিৰ অসম গ্ৰামীণ বিকাশ বেংকত নিশা চুৰিকাণ্ডৰ ঘটনা ৷ বৃহস্পতিবাৰে নিশা বেংকৰ দৰ্জা ভাঙি চোৰ প্ৰৱেশ কৰে বেংকত ৷ ইফালে চোৰে বেংকৰ লকাৰত ধন নোপোৱাৰ বাবে নথি-পত্ৰ অনিষ্ট কৰে লগতে বেংক কৰ্তৃপক্ষৰ কম্পিউটাৰ কিছু অংশ চোৰে লৈ যায় ৷

ইফালে, ঘটনাস্থলীত চামগুৰি আৰক্ষী উপস্থিত হৈ তদন্ত আৰম্ভ কৰিছে ৷ আনহাতে স্থানীয় ৰাইজৰ ভাষ্য অনুসৰি, নিশাৰ ভাগত গাঁওৰক্ষী বাহিনীৰ পহৰাৰ ব্যৱস্থা থাকে ৷ কিন্তু উক্ত নিশাই গাঁৱত প্ৰৱেশ কৰিছিল বন্যহস্তীৰ এটা জাকে ৷ বন্যহস্তীৰ জাকটো খেদি থকাৰ সময়তে চোৰে বেংকত সোমাই ধন চুৰি কৰাৰ চেষ্টা কৰে ৷ এই ঘটনাত স্থানীয় কোনো লোক জড়িত থকাৰ সন্দেহ কৰা হৈছে বুলিও উল্লেখ কৰে ৰাইজে ৷ 

লগতে পঢ়ক:বিনা ইউনিফৰ্মত নগাঁৱৰ ৰাজপথত কোনে আৰক্ষীৰ গাড়ী চলাই লগালে অঘটন ?