বঙাইগাঁৱৰ মাণিকপুৰত আৰক্ষীৰ হৰ ঘৰ ত্ৰিৰংগা সমদল

দেশৰ ৭৫ সংখ্যক স্বাধীনতা দিৱস (75th Years of Independence) পালনৰ বাবে সাজু হৈছে দেশবাসী । সমগ্ৰ দেশে ‘আজাদী কা অমৃত মহোৎসৱ’ৰ (Azadi ka Amrit Mahotsav) লগত সংগতি ৰাখি পালন কৰিছে ‘হৰ ঘৰ ত্ৰিৰংগা’ (Har Ghar Tiranga) কাৰ্যসূচী । ইয়াৰ সৈতে সংগতি ৰাখি বঙাইগাঁও জিলাৰ মাণিকপুৰ আৰক্ষীয়ে এক সমদল উলিয়াই(Har Ghar Tiranga Rally in Manikpur) । মাণিকপুৰ আৰক্ষীৰ উদ্যোগত আৰু গাঁওৰক্ষী বাহিনীৰ সহযোগত আৰম্ভ কৰা এই পদযাত্ৰাৰ মাজতেই ঠায়ে ঠায়ে দেশপ্ৰেমমূলক গীত, নৃত্যৰ উপৰি বাটৰ নাট প্ৰদৰ্শন কৰে । এই শোভাযাত্ৰাত মাণিকপুৰ আৰক্ষী থানাৰ অন্তৰ্গত সকলো গাঁও সুৰক্ষা সমিতিৰ সভাপতি, সম্পাদক সকলৰ উপৰিও স্থানীয় ৰাইজে অংশগ্ৰহণ কৰে । লগতে মাণিকপুৰ আৰক্ষীয়ে সকলোকে ঘৰে ঘৰে জাতীয় পতাকা উত্তোলন কৰিবলৈকো জনালে আহ্বান ।