টীয়কত ভাৰতীয় জনতা পাৰ্টিৰ কলিয়াপানী মণ্ডলৰ কাৰ্যনিৰ্বাহক সভা

ভাৰতীয় জনতা পাৰ্টিৰ টীয়ক সমষ্টিৰ কলিয়াপানী মণ্ডলৰ কাৰ্যনিৰ্বাহকখনি আজি টীয়ক চাহ বাগিছাৰ প্ৰেক্ষাগৃহত দিনজোৰা কাৰ্যসূচীৰে অনুষ্ঠিত হয় । কলিয়াপানী মণ্ডলৰ সভাপতি দীপক শইকীয়াৰ সভাপতিত্বত আয়োজিত এই সভাত দলীয় সাংগঠিনক দিশত বিশেষ আলোচনা কৰাৰ সমান্তৰালকৈ আগন্তুক দিনত দলৰ বিশেষ কাৰ্যপন্থা তথা নিৰ্বাচনী প্ৰস্তুতি ওপৰত বিশেষ আলোকপাত হয় । উক্ত সভাত ৰাষ্ট্ৰীয় কৃষি বিপণন পৰিষদৰ অধ্যক্ষ পালিত কুমাৰ বৰা, জিলাৰ প্ৰাক্তন সভাপতি জিতু হাজৰিকা, মণ্ডল প্ৰভাৰী দেৱজিত সোণোৱাল, দেৱজিত বৰুৱা, অসীম বৰুৱা, জিলা উপ সভাপতি ৰফিক উজ জামানকে প্ৰমুখ্য কৰি ভালেসংখ্যক গণ্য মান্য ব্যক্তি উপস্থিত থাকে । উক্ত সভাতে টীয়ক সমষ্টিৰ মধ্য টীয়ক গাঁও পঞ্চায়তৰ কংগ্ৰেছ দলৰ পৰা নিৰ্বাচিত ৱাৰ্ড সদস্য অঞ্জন বৰবৰা আৰু দীপক বৰুৱাই আনুষ্ঠানিকভাৱে বিজেপি দলত যোগদান কৰে ।