ৰোমৰ গেমেলি হাস্পতালত ডাবল নিউমোনিয়াত আক্ৰান্ত হোৱাৰ ফলত চিকিৎসাধীন পোপ ফ্ৰান্সিছ তৃতীয় এতিয়াও সম্পূৰ্ণৰূপে বিপদৰ পৰা মুক্ত হোৱা নাই বুলি তেওঁৰ চিকিৎসা দলে প্ৰকাশ কৰিছে ৷ অৱশ্যে চিকিৎসকে জনসাধাৰণক আশ্বাস দিছে যে, তেওঁৰ অৱস্থা সংকটজনক হোৱা স্বত্ত্বেও তেওঁৰ জীয়াই থকাৰ সম্ভাৱনা এতিয়াও আছে ৷
কেইবাদিনো ধৰি উশাহ-নিশাহ লোৱাত অসুবিধা হৈছে পোপৰ
৮৭ বছৰীয়া কেথলিক গীৰ্জাৰ মুৰব্বীগৰাকীক ১৪ ফেব্ৰুৱাৰীত চিকিৎসালয়ত ভৰ্তি কৰোৱা হৈছিল ৷ পিছত চিকিৎসকে তেওঁ ডাবল নিউমোনিয়া ৰোগত আক্ৰান্ত বুলি ধৰা পেলায়, যিটো গুৰুতৰ অৱস্থাত হাওঁফাওঁ দুয়োটা ফুলি আৰু দাগ পৰে, যাৰ ফলত এজন ব্যক্তিৰ সঠিকভাৱে উশাহ-নিশাহ লোৱাত অসুবিধাৰ সন্মূখীন হয় ৷
চিকিৎসকে কি কয় ?
২১ ফেব্ৰুৱাৰীত এখন সংবাদমেলৰ সময়ত পোপৰ অন্যতম আগশাৰীৰ চিকিৎসক ডাঃ চাৰ্জিঅ’ আলফিয়েৰীয়ে তেওঁৰ স্বাস্থ্যৰ বিষয়ে এক আপডেট দিছিল ৷
তেওঁ স্পষ্ট কৰি দিয়ে যে, পোপৰ অৱস্থা এতিয়াও গুৰুতৰ হৈ আছে যদিও তেওঁৰ অৱস্থা সংকটজনক হোৱা স্বত্ত্বেও তেওঁৰ জীয়াই থকাৰ সম্ভাৱনা এতিয়াও আছে ৷
ইফালে, ভেটিকানে পোপ ফ্ৰান্সিছৰ সংক্ৰমণক “জটিল” বুলি অভিহিত কৰিছে কাৰণ ই বহু অণুজীৱৰ ৷ অৰ্থাৎ ২ বা তাতকৈ অধিক ভিন্ন অণুজীৱ সংক্ৰমণৰ বাবে দায়ী, যাৰ ফলত চিকিৎসা প্ৰক্ৰিয়াটো অধিক প্ৰত্যাহ্বানজনক হৈ পৰে ৷ কিন্তু কি এই ডাবল নিউমোনিয়া হয় তথা ইয়াৰ লক্ষণ আৰু প্ৰতিকাৰ কি আজি এই প্ৰতিবেদনৰ জৰিয়তে জানি লও আহক-
কিহৰ ফলত ডাবল নিউমোনিয়া হয় ?
ডাবল নিউমোনিয়াক বাইলেটেৰেল নিউমোনিয়া বুলিও কোৱা হয়, ই এক প্ৰকাৰৰ হাওঁফাওঁৰ সংক্ৰমণ যিয়ে দুয়োটা হাওঁফাওঁতে আক্ৰান্ত কৰে ৷ বৃদ্ধ, সৰু ল’ৰা-ছোৱালী আৰু দীৰ্ঘদিনীয়া ৰোগত আক্ৰান্তসকলৰ এই ৰোগৰ আশংকা অধিক ৷ এইটো হোৱাৰ আঁৰৰ কাৰণ কি জানো আহক ৷
১ বেক্টেৰিয়া: ষ্ট্ৰেপ্ট’ককাচ নিউমোনিয়া এটা সাধাৰণ বিপদজনক কাৰক ৷
২) ভাইৰাছ: ইনফ্লুৱেঞ্জা, আৰ এছ ভি আৰু ক’ভিড-১৯ ৰোগ হ’ব পাৰে ৷
৩) ভেঁকুৰ: বিশেষকৈ ৰোগ প্ৰতিৰোধ ক্ষমতা দুৰ্বল লোকৰ ক্ষেত্ৰত ইয়াৰ আশংকা বেছি ৷
ডাবল নিউমোনিয়াৰ লক্ষণ
- কাহ
- জ্বৰ
- ঠাণ্ডা
- ঘাম ওলোৱা
- উশাহ লোৱাত অসুবিধা
- বুকুৰ বিষ
- ভাগৰুৱা
কিদৰে প্ৰতিৰোধ কৰিব ?
১) টিকাকৰণ (ফ্লু, নিউমোক’কেল)
২) সঘনাই হাত ধোৱা
৩) স্বাস্থ্যসন্মত জীৱনশৈলী (সুষম খাদ্য আৰু ব্যায়াম)
৪) ৰোগীৰ সংস্পৰ্শৰ পৰা আঁতৰি থকা
নিজকে কেনেকৈ সুৰক্ষিত ৰাখিব
- টিকাকৰণ কৰক: নিউমোক’কেল ভেকচিনে বিশেষকৈ জ্যেষ্ঠসকলৰ বাবে গুৰুতৰ নিউমোনিয়াৰ সম্ভাৱনা বহু পৰিমাণে হ্ৰাস কৰিব পাৰে ।
- আওকাণ নকৰিব: আৰম্ভণিৰ লক্ষণ দীৰ্ঘদিনীয়া কাহ, জ্বৰ বা বুকুখন টান হোৱাটো আগতীয়াকৈ সতৰ্কবাণীৰ লক্ষণ হ’ব পাৰে ।
- ব্যৱস্থাপনা কৰা: বৰ্তমানৰ স্বাস্থ্যৰ অৱস্থা. ডায়েবেটিছ, উচ্চ ৰক্তচাপ, হাওঁফাওঁৰ ৰোগ আদিয়ে জটিলতাৰ সম্ভাৱনা বৃদ্ধি কৰে ।
- ধূমপান পৰিহাৰ কৰক তথা প্ৰদূষণৰ সংস্পৰ্শৰ পৰা আঁতৰি থাকক: এইবোৰে হাওঁফাওঁৰ কাৰ্য্যক্ষমতা দুৰ্বল কৰি তোলে, যাৰ ফলত সংক্ৰমণে সহজে ঠাই ল’ব পাৰে ।
- পুষ্টিক অগ্ৰাধিকাৰ দিয়ক আৰু হাইড্ৰেচন: শক্তিশালী ৰোগ প্ৰতিৰোধ ক্ষমতা সুষম খাদ্যৰ পৰা আৰম্ভ হয় ।
প্ৰতিকাৰ
১) এন্টিবায়টিক (বেক্টেৰিয়াল নিউমোনিয়াৰ বাবে)
২) এন্টিভাইৰেল ঔষধ (ভাইৰেল নিউমোনিয়াৰ বাবে)
৩) সহায়ক যত্ন (অক্সিজেন থেৰাপী, বিষ নিৰাময়)
৪) উচ্চ বিপদজনক লোকৰ বাবে তৎকালীন চিকিৎসাৰ ব্যৱস্থা কৰা
উৎস:-https://journals.sagepub.com/doi/10.1177/0022034514552493
(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)
লগতে পঢ়ক
