কলিয়াবৰত কেশৱ মহন্তৰ ভোটদান

শ্ৰীশ্ৰীবালিসত্ৰৰ নামঘৰত আশীষ লৈ মাতৃৰ চৰণ চুই তেলিয়া গাঁৱৰ ৰাইজ, গোপিনী, মইনা পাৰিজাতৰ শিশুসকলক লগত লৈ ৮৯ নং কলিয়াবৰ সমষ্টিৰ প্ৰাৰ্থী কেশৱ মহন্তই তেলিয়াগাঁও অংগনবাদী কেন্দ্ৰত ভোট দান কৰে ৷ উল্লেখযোগ্য যে, ক্ৰমাগতভাৱে চতুৰ্থবাৰলৈ কলিয়াবৰ বিধানসভা সমষ্টিৰ নিৰ্বাচনত অৱতীৰ্ণ হৈছে ৰাজ‍্যৰ জলসম্পদ মন্ত্ৰীগৰাকী । ভোটদান কৰি সাংবাদিকৰে হোৱা বাৰ্তালাপত চতুৰ্থবাৰো বিজয়ৰ ধাৰা অব‍্যাহত থাকিব বুলি মন্তব‍্য কৰে মন্ত্ৰী গৰাকীয়ে । মন্ত্ৰী গৰাকীক ভোটদানৰ সময়ত সংগ দিয়ে মাতৃ, পত্নী, ভাতৃ, কন‍্যা তথা পৰিয়ালৰ সদস্যসকলে ৷