ওলোটা খৰেৰে ছ'চিয়েল মিডিয়াত ভাইৰেল হোৱা মিলি সৰকাৰ

শেহতীয়াকৈ ছ'চিয়েল মিডিয়াত ভাইৰেল হৈ পৰিছে এগৰাকী যুৱতী ৷ যিগৰাকীয়ে শাৰী পৰিধানেৰে প্ৰদৰ্শন কৰিছে ওলোটা খৰ ৷ যুৱতীগৰাকী ৰায়গঞ্জৰ আব্দুলঘাট নিবাসী মিলি সৰকাৰ বুলি জানিব পৰা গৈছে ৷ শাৰী পৰিধান কৰিয়েই যুৱতীগৰাকীয়ে দেখুৱাইছে আকৰ্ষণীয় ওলোটা খৰ ৷ যিয়ে সহজতে মুহিব পাৰে কোনো এথলিটৰ মন ৷ কেৱল শাৰী পিন্ধিয়েই নহয় আন পোছাক পিন্ধিও যুৱতীগৰাকীয়ে প্ৰদৰ্শন কৰা ওলোটা খৰৰ ভিডিঅ' সম্প্ৰতি ভাইৰেল হৈ পৰিছে ছ'চিয়েল মিডিয়াত ৷ কোনো প্ৰশিক্ষণ নোহোৱাকৈয়ে যুৱতীগৰাকীয়ে এনে প্ৰতিভা প্ৰদৰ্শন কৰিব পাৰিছে ৷ 2018 চনত সৰ্ব ভাৰতীয় পৰ্যায়ত অনুষ্ঠিত যোগ প্ৰতিযোগিতাত তেওঁৰ প্ৰতিভা প্ৰদৰ্শনেৰে তেওঁ সোণৰ পদক লাভ কৰিবলৈয়ো সক্ষম হৈছে ৷ মিলিৰ পিতৃ নকুল সৰকাৰ এগৰাকী গাড়ী চালক বুলি জানিব পৰা গৈছে ৷