গ্ৰাউণ্ড ৰিপোৰ্ট : সম্পূৰ্ণৰূপে ডুব গ'ল বিহাৰৰ এইখন গাঁও

বিহাৰৰ গন্দক নদীৰ বাঢ়নী পানীৰ ফলত ওচৰ-পাজৰৰ অঞ্চলসমূহ পানীৰ তলত ডুব গৈছে ৷ মঝেলিয়াৰ ৰামপূৰ্বা মহনৱা পঞ্চায়তৰ মহনৱা নামৰ এখন গাঁও সম্পূৰ্ণৰূপে পানীৰ তলত ৷ দূৰ-দূৰণি পৰ্যন্ত পানীৰ বাহিৰে গাঁওখনত একো দেখা পোৱা নাযায় ৷ এনে পৰিস্থিতিতো জিলা প্ৰশাসনৰ কোনো লোক সেই স্থানত উপস্থিত হোৱা নাই ৷ সেয়েহে গাঁওবাসীৰ সমস্যাৰ বুজ ল'বলৈ ইটিভি ভাৰতৰ এটা দল সেই স্থানত উপস্থিত হ'ল ৷ গাঁৱৰ লোকসকলে জানিবলৈ দিয়া অনুসৰি, সম্পূৰ্ণ গাঁও বৰ্তমান পানীৰ তলত ৷