চিনেমাৰ কায়দাৰে প্ৰেমিকাক অপহৰণ : চিচিটিভি ফুটেজত বন্দী ঘটনা

চিনেমাৰ কায়দাৰে প্ৰেমিকাক অপহৰণ কৰিলে কিলাৰিপেটেৰ শিৱা নামৰ এজন যুৱকে ৷ দেৱানগাপেটেৰ 22 বৰ্ষীয় এগৰাকী যুৱতীৰ সৈতে 2 বছৰ ধৰি প্ৰেমৰ সম্পৰ্ক আছিল যুৱকজনৰ ৷ কিন্তু, শেহতীয়াকৈ যুৱতীগৰাকীৰ পৰিয়ালে এই সম্পৰ্ক মানি ল'বলৈ অস্বীকাৰ কৰে আৰু পৰিয়ালৰ কথা মতে অন্য এজন লোকৰ সৈতে বিবাহত বহিবলৈ সন্মত হয় ৷ ইয়াতে ক্ষুণ্ণ হৈ যুৱতীগৰাকীক এখন বাহনত উঠাই অপহৰণ কৰে শিৱাই ৷ দিনৰ ভাগতে সংঘটিত এই ঘটনাৰ ফলত আতংকিত হৈ পৰিছে সমগ্ৰ চহৰ৷ উল্লেখ্য যে, সমগ্ৰ ঘটনা ৰেড্ডী ইলেক্ট্ৰিকেলছ নামৰ এখন দোকানৰ চিচিটিভি কেমেৰাত বন্দী হয় আৰু চ'ছিয়েল মিডিয়াৰ জৰিয়তে ভাইৰেল হৈ পৰে৷ ইয়াৰ পাচতে আৰক্ষী সেই স্থানত উপস্থিত হৈ তদন্ত আৰম্ভ কৰিছে ৷