Municipal election: বিজেপি দলটো কেৱল ভয়, ভাবুকি আৰু প্ৰতিশ্ৰুতিত থাকে: অপূৰ্ব ভট্টাচাৰ্য

বিজেপিৰ বিদায় যাত্ৰা আৰম্ভ হৈছে ৷ পৌৰসভা নিৰ্বাচন আৰু মাজুলী উপ-নিৰ্বাচন(Majuli by election) একেসময়তে অনুষ্ঠিত কৰি ইয়াকেই প্ৰমাণ কৰিলে বিজেপিয়ে ৷ বিজেপি দলটো কেৱল ভয়, ভাবুকি আৰু প্ৰতিশ্ৰুতিত থাকে ৷ এই মন্তব্য অসম প্ৰদেশ কংগ্ৰেছ কমিটীৰ প্ৰশাসনিক সাধাৰণ সম্পাদক অপূৰ্ব ভট্টাচাৰ্যৰ । শনিবাৰে বিহপুৰীয়াত নিৰ্বাচনী প্ৰচাৰ চলাবলৈ গৈ লগতে তেও কয় যে, মাজুলী উপ-নিৰ্বাচনৰ ক্ষেত্ৰত চিত্তৰঞ্জন বসুমতাৰীলৈ ভয় কৰিছে বিজেপিয়ে (Apurba Bhattacharjee at Bihpuria) ৷ মাজুলীৰ এই নিৰ্বাচন স্বাভিমান ৰক্ষাৰ নিৰ্বাচন হ’ব বুলিও মন্তব্য কৰে অপূৰ্ব ভট্টাচাৰ্যই ৷ বিহপুৰীয়া আৰু নাৰায়ণপুৰ পৌৰসভা আগন্তুক দিনত কংগ্ৰেছ দলে দখল কৰাৰ লগতে মাজুলীৰ উপ-নিৰ্বাচনতো চিত্তৰঞ্জন বসুমতাৰীক বিপুল ভোটত মাজুলীবাসীয়ে জয়যুক্ত কৰাব বুলি সংবাদ মাধ্যমৰ সন্মুখত অৱগত কৰে কংগ্ৰেছৰ নেতাগৰাকীয়ে ।