Cough syrup seized : কাছাৰত বৃহৎ পৰিমাণৰ কফ চিৰাপ জব্দ
ৰাজ্যৰ ভিন্ন প্ৰান্তত ড্ৰাগছ আৰু নিচাজাতীয় দ্ৰব্যৰ বিৰুদ্ধে অসম আৰক্ষীৰ অভিযান অব্যাহত আছে (Assam police raid against drugs)। ইয়াৰ মাজতে কাছাৰ আৰক্ষীয়ে এক বৃহৎ সফলতা অৰ্জন কৰিছে । নিশা বৰখলা লাৰচিংপাৰত আৰক্ষীৰ অভিযানত জব্দ হৈছে প্ৰায় ২ হাজাৰটা কফ চিৰাপৰ বটল (Huge amount of cough syrup seized in Cachar)৷ ঘটনা সন্দৰ্ভত এজন লোককো আটক কৰিছে আৰক্ষীয়ে । উপ-আৰক্ষী অধীক্ষকে জনোৱা মতে গোপন সূত্ৰৰ খবৰৰ ভিত্তিত কাছাৰ আৰক্ষীৰ এটা দলে নিশা লাৰচিংপাৰ অঞ্চলৰ নবেন্দু মালাকাৰ নামৰ এগৰাকী লোকৰ ঘৰত অভিযান চলাইছিল । অভিযানত ২২ টা কাৰ্টুনত প্ৰায় ২ হাজাৰ বটল নিচাজাতীয় কফ চিৰাপ জব্দ কৰিবলৈ সক্ষম হয় আৰক্ষী ৷ আৰক্ষীয়ে ঘৰৰ মালিক নবেন্দু মালাকাৰকো আটক কৰিছে (Cachar police detained one with cough syrup)৷ জব্দ হোৱা কফ চিৰাপখিনিৰ বজাৰ মূল্য কেইবা লাখ টকা বুলি জানিব পৰা গৈছে ৷ অভিযোগ মতে ধৃত লোকজনে দীৰ্ঘদিনৰ পৰা অঞ্চলটোত নিচাজাতীয় দ্ৰব্যৰ অবৈধ বেহা চলাই আহিছিল ৷
Last Updated : Feb 3, 2023, 8:29 PM IST