নিউজ ডেস্ক, 7 অক্টোবৰ: শাৰিৰীক অৱস্থা বৰ্তমান সুস্থিৰ বিশিষ্ট উদ্যোগপতি ৰতন টাটাৰ । জানিব পৰা মতে একাংশ সংবাদ মাধ্যমে দাবী কৰি আহিছিল যে সোমবাৰৰ নিশাৰ পৰা বিশিষ্ট উদ্যোগপতিগৰাকীৰ স্বাস্থ্যৰ অৱনতি ঘটিছে । এই সন্দৰ্ভত প্ৰতিক্ৰিয়া ব্যক্ত কৰি বিশিষ্ট উদ্যোগপতি ৰতন টাটাই তেওঁৰ X একাউণ্টযোগে নিজৰ স্বাস্থ্য ঠিকেই আছে বুলি অৱগত কৰিছে ।
ৰতন টাটাই কয়, "মোৰ স্বাস্থ্য সম্পৰ্কে উৰাবাতৰিৰ বিষয়ে মই অৱগত । কিন্তু সেই সকলোবোৰ দাবী ভিত্তিহীন । মই সকলোকে আশ্বস্ত কৰিব বিচাৰো যে বয়স আৰু আনুষংগিক চিকিৎসাজনিত অৱস্থাৰ বাবে মোৰ মেডিকেল চেক-আপ কৰা হৈছে । গতিকে চিন্তা কৰাৰ কোনো কাৰণ নাই । বৰ্তমান মোৰ স্বাস্থ্য সুস্থিৰ ।"
Thank you for thinking of me 🤍 pic.twitter.com/MICi6zVH99
— Ratan N. Tata (@RNTata2000) October 7, 2024
সোমবাৰে পুৱাৰ ভাগত ৰতন টাটাক মুম্বাইৰ ব্ৰিচ কেণ্ডি হাস্পতালত ভৰ্তি কৰা বুলি সংবাদ মাধ্যম দাবী কৰাৰ পিছতে 86 বছৰীয়া উদ্যোগপতিগৰাকীয়ে এই বক্তব্য সামাজিক মাধ্যযোগে প্ৰকাশ কৰে ।
