কোকৰাঝাৰত দুষ্কৃতিকাৰীৰ আক্ৰমণত আহত এজন গৃহৰক্ষী জোৱান

কোকৰাঝাৰৰ শক্তি আশ্ৰমত অঘটন সংঘটিত হৈছে (Home guard jawan attacked in Kokrajhar)৷ কৰ্তব্যৰত অৱস্থাত এজন গৃহৰক্ষী জোৱানক আক্ৰমণ কৰে এটা দুষ্কৃতিকাৰীৰ দলে (Home guard jawan attacked by miscreants) ৷ সোমবাৰৰ পুৱতি নিশা কোকৰাঝাৰ জিলাৰ ফকিৰাগ্ৰাম থানাৰ অধীনস্থ শক্তি আশ্ৰম তিনি আলিত কৰ্তব্যৰত অৱস্থাত থকা গৃহৰক্ষী জোৱান এজনে সামগ্ৰী কঢ়িওৱা দুখন বাহনত তালাচী চলাবলৈ লওঁতেই বাহনত থকা অচিনাক্ত দুষ্কৃতিকাৰীয়ে এন্ধাৰৰ সুযোগ লৈ গৃহৰক্ষী জোৱানজনক নিৰ্মমভাৱে প্ৰহাৰ কৰে ৷ সেই পথেৰে যোৱা এজন ই-ৰিক্সা চালকে ঘটনাস্থলীত গৃহৰক্ষী জোৱানজনক পৰি থকা দেখি ফকিৰাগ্ৰাম থানালৈ (Fakiragram police station) লৈ যায় ৷ সম্প্ৰতি কোকৰাঝাৰ আৰ এন বি অসামৰিক চিকিৎসায়লত সংকটজনক অৱস্থাত চিকিৎসাধীন কৰা হৈছে জোৱানজনক ৷ গৃহৰক্ষী জোৱানজনৰ নাম মহাম্মদ আলী বুলি জানিব পৰা গৈছে । দুষ্কৃতিকাৰীৰ প্ৰহাৰত গৃহৰক্ষী জোৱানজনৰ মূৰ, দুখন হাতৰ উপৰিও শৰীৰৰ কেবাটাও অংশত প্ৰায় বাৰটাকৈ চিলাই পৰিছে ৷ উল্লেখ্য যে ঘটনাৰ সময়ত গৃহৰক্ষী জোৱানজনে অকলে পহৰাৰ কৰ্তব্যত নিয়োজিত হৈ আছিল ৷