Arrested Land Mafia : লক্ষীপুৰ আৰক্ষীৰ জালত ভূ-মাফিয়া মাজম আলী

গোৱালপাৰাত ভূ-মাফিয়াৰ দপদপনি । এইবাৰ গোৱালপাৰাৰ লক্ষীপুৰ আৰক্ষীৰ জালত পৰিছে দুৰ্ধষ ভূ-মাফিয়া মাজম আলী । ভূ-মাফিয়া মাজম আলীৰ ঘৰ লক্ষীপুৰৰ খলিচাভিটাত বুলি জানিব পৰা গৈছে । অভিযোগ অনুসৰি, মাজম আলীয়ে বেদখল কৰিছিল চাটাইমাৰী আৰক্ষী চকীৰ ভূমি । ২০১৯ চনত ২ বিঘা ১ কঠা ৫ লেচা মাটি চৰকাৰে আৱন্টন দিছিল চাটাইমাৰী আৰক্ষী চকীৰ নামত । ভূ-মাফিয়া মাজম আলীয়ে উক্ত মাটি ডোখৰ দখল কৰি একাংশ লোকৰ সহযোগত উক্ত ভূমিত মাজম আলীয়ে গঢ়িছিল ব্যক্তিগত বিদ্যালয় । লক্ষীপুৰ আৰক্ষীয়ে ইতিমধ্যে উচ্ছেদ কৰিছে মাজম আলীয়ে গঢ়া বিদ্যালয়খন । এই অভিযোগৰ ভিত্তিতে ইতিমধ্যে ভূ-মাফিয়া মাজম আলীক গ্ৰেপ্তাৰ কৰিছে লক্ষীপুৰ আৰক্ষীয়ে (Arrested Land Mafia in Goalpara)। উল্লেখ যে, যি সময়ত চৰকাৰ কিম্বা অসম আৰক্ষীয়ে শদিয়াৰ পৰা ধুবুৰীলৈ ভূ-মাফিয়া কিম্বা মাটিৰ দালালক গ্ৰেপ্তাৰ কৰি ৰাইজৰ বাঃ বাঃ লৈছে (Operation against Land Mafia), তেনে সময়তে আজিও গোৱালপাৰা জিলাৰ বিভিন্ন প্ৰান্তত অব্যাহত আছে ভূ-মাফিয়াৰ দপদপনি ৷ এইক্ষেত্ৰত অসম আৰক্ষীয়ে কি ব্যৱস্থা গ্ৰহণ কৰিব সেয়াহে হ’ব লক্ষণীয় ।