বৰ্তমান সময়ত প্ৰায় মানুহ ডায়েবেটিছ ৰোগত আক্ৰান্ত হোৱা দেখা যায় ৷ ডায়েবেটিছ ৰোগৰ লগতে এতিয়া আন এটা ৰোগ প্ৰায় মানুহৰ ক্ষেত্ৰত হোৱা দেখা যায়, সেয়া হৈছে উচ্চ ৰক্তচাপৰ সমস্যা । ইয়াৰ কাৰণ হৈছে আমাৰ পৰিৱৰ্তিত জীৱনশৈলী। এই ৰোগত কেৱল বৃদ্ধসকলেই নহয়, যুৱক-যুৱতীসকলো আক্ৰান্ত । যিহেতু এতিয়া লাহে লাহে শীতৰ আগমন ঘটিছে, সেয়েহে শীতকালত স্বাস্থ্যৰ প্ৰতি অলপ বেছি সতৰ্ক হোৱাৰ প্ৰয়োজন আছে । স্বাস্থ্য বিশেষজ্ঞসকলে কয় যে ঠাণ্ডা বতৰত হাইপাৰটেনচন অৰ্থাৎ উচ্চ ৰক্তচাপ বৃদ্ধি হোৱাৰ সম্ভাৱনা অধিক থাকে ।
ঠাণ্ডা বতৰত হৃদযন্ত্ৰৰ ওপৰত অত্যধিক চাপৰ বাবে ৰক্তচাপ বাঢ়ি যায় । ইয়াৰ উপৰিও শীতকালত খাদ্যৰ পৰিৱৰ্তন আৰু শাৰীৰিক ক্ৰিয়া-কলাপ কমি যোৱাটোও ইয়াৰ অন্যতম প্ৰধান কাৰণ । কিন্তু উচ্চ ৰক্তচাপৰ সমস্যা নিয়ন্ত্ৰণত ৰাখিবলৈ আপুনি কিছুমান ছুপাৰফুড ব্যৱহাৰ কৰিব পাৰে ।
বি পি নিয়ন্ত্ৰণ কৰা খাদ্যৰ তালিকা:
অশ্বগন্ধা
অশ্বগন্ধা বহু ৰোগৰ বাবে মহৌষধ । ৰক্তচাপৰ সমস্যাতো ই অতিকৈয়ে উপকাৰী । ওজন বৃদ্ধি বা উচ্চ ৰক্তচাপত ভোগা লোকসকলে অশ্বগন্ধাক নিজৰ খাদ্যকৰ তালিকাত নিশ্চয় অন্তৰ্ভুক্ত কৰিব লাগে । প্ৰতিদিনে পুৱা খালী পেটত এগিলাচ পানীৰ সৈতে এচামুচ অশ্বগন্ধা গুড়ি খাব লাগে ।
