ভাৰতত কেশৰ যুগ যুগ ধৰি ব্যৱহাৰ হৈ আহিছে । সেই সময়ৰ পৰাই গাখীৰত কেশৰ মিহলাই পান কৰা হৈছিল । ইয়াক মছলাৰ ৰজা বুলিও কোৱা হয় । কেৱল গাখীৰেই নহয় কেশৰ পায়স আৰু বিৰিয়ানীতো ব্যৱহাৰ কৰা হয় । কেশৰত এন্টি-ইনফ্লেমেটৰী আৰু এন্টিঅক্সিডেন্ট গুণ আছে, যাৰ বাবে ই হজম শক্তি উন্নত কৰাৰ বাবে বহুতো স্বাস্থ্য উপকাৰিতা প্ৰদান কৰে ।
আয়ুৰ্বেদত কেশৰ মিহলোৱা গাখীৰৰ বহু উপকাৰৰ কথা উল্লেখ কৰা হৈছে, বিশেষকৈ শিশুৰ বাবে । উল্লেখ্য যে, বিজ্ঞানেও শিশুৰ দৃষ্টিকোণৰ পৰা কেশৰ মিহলোৱা গাখীৰৰ বহু উপকাৰিতাৰ কথা উল্লেখ কৰিছে । শিশুক কিয় ৰাতি কেশৰ মিহলোৱা গাখীৰ খাবলৈ দিব লাগে জানি লওক-
অতি উপকাৰী কেশৰ
কেশৰ হৈছে ক্ৰকাছ ফুলৰ পৰা পোৱা এক মূল্যৱান মছলা । ইয়াৰ ৰঙা ৰং, গোন্ধ তথা সোৱাদৰ বাবেই কেশৰ জনপ্ৰিয়তাৰ কাৰণ । উল্লেখ্য যে, কেশৰ বহু স্বাস্থ্যজনিত সমস্যাত ব্যৱহাৰ কৰা হয় । ইয়াত ক্ৰ’চিন আৰু চেফ্ৰানেলকে ধৰি শক্তিশালী এন্টিঅক্সিডেন্ট থাকে, যিবোৰৰ এন্টি-ইনফ্লেমেটৰী গুণ আছে বুলি জনা যায় । এই এন্টিঅক্সিডেন্টবোৰে শৰীৰক অক্সিডেটিভ চাপৰ পৰা ৰক্ষা কৰাত গুৰুত্বপূৰ্ণ ভূমিকা পালন কৰে ।
শিশুৰ বাবে কিমান উপকাৰী কেশৰ
আয়ুৰ্বেদৰ মতে, কেশৰ শিশুৰ বাবেও অতি উপকাৰী । এইখিনি খালে শিশুৱে ভাল টোপনি পায় । ডিজিটেল জগতত মোবাইলৰ সংস্পৰ্শ অধিক হোৱাৰ বাবে শিশুৰ টোপনিও প্ৰভাৱিত হৈছে, যাৰ বাবে অভিভাৱকসকল অতিশয় চিন্তিত হৈ পৰিছে । সেয়ে ভাল টোপনি আৰু জিৰণি লোৱাৰ বাবে শিশুক কেশৰ মিহলোৱা গাখীৰ খাবলৈ দিব পাৰে ।
হাড় শক্তিশালী কৰাত সহায় কৰে কেশৰে
হাড়ৰ বিকাশৰ বাবে শৈশৱৰ পৰা পৰ্যাপ্ত পৰিমাণৰ কেলচিয়াম গ্ৰহণ কৰাটো প্ৰয়োজনীয় । কেশৰ মিহলোৱা গাখীৰে শিশুৰ কেলচিয়ামৰ প্ৰয়োজনীয়তা পূৰণ কৰে । কেশৰত থকা মেংগানিজ, ভিটামিন চি আৰু ভিটামিন এৰ দৰে পুষ্টিকৰ উপাদান গাখীৰৰ লগত মিহলি হ’লে কেশৰ মিহলোৱা গাখীৰ হাড়ৰ বাবে উপকাৰী হৈ পৰে । এই পুষ্টিকৰ পদাৰ্থই মজবুত হাড় গঠনত সহায় কৰে । গতিকে এতিয়াৰ পৰা সন্তানক কেশৰ মিহলোৱা গাখীৰ খুৱাবলৈ আৰম্ভ কৰক ।
লগতে পঢ়ক: Healthy Leaves: শৰীৰত বৃদ্ধি পোৱা ইউৰিক এচিডক নিয়ন্ত্ৰণ কৰিব এই ৫বিধ পাতে
