প্ৰতিটো চিকিৎসা ব্যৱস্থাতে বিশ্বাস কৰা হয় যে, সুস্বাস্থ্যৰ বাবে খাদ্যাভ্যাসৰ অনুশাসন অতি গুৰুত্বপূৰ্ণ । শেহতীয়াকৈ সৰু মতা এন্দুৰৰ ওপৰত কৰা পৰীক্ষাভিত্তিক গৱেষণাৰ ফলাফলেও একে কথা নিশ্চিত কৰিছে । এই গৱেষণাত প্ৰকাশ পাইছে যে, সঠিক সময়ত খাদ্য খালে শৰীৰত বয়স বৃদ্ধি আৰু কেন্সাৰ প্ৰতিৰোধ ক্ষমতা বৃদ্ধি পাব পাৰে । লগতে সঠিক সময়ত খাদ্য গ্ৰহণে শৰীৰৰ বহু কলাত জিন প্ৰকাশত প্ৰভাৱ পেলায় । Cell Metabolismত প্ৰকাশ পাইছে এই গৱেষণা ।
মেডিকেল টুডে নিউজত প্ৰকাশ কৰা এক তথ্য অনুসৰি এই গৱেষণাৰ সময়ত পৰীক্ষাৰ পিছৰ পৰীক্ষাত দেখা গৈছে যে, যিবোৰ এন্দুৰক সঠিক সময়ৰ খাদ্য (Time-restricted eating, TRE) দিয়া হৈছিল সেইকেইটা এন্দুৰৰ অন্ত্ৰ, হৃদযন্ত্ৰ, হাওঁফাওঁ, যকৃত আৰু মগজুকে ধৰি সমগ্ৰ শৰীৰত ২২ টা ভিন্ন কলাৰ গতিবিধি প্ৰভাৱিত হৈছিল । অধ্যয়নত এই কথাও প্ৰমাণ পোৱা গৈছে যে, সঠিক সময়ত খাদ্য গ্ৰহণে কেৱল আপোনাক দীৰ্ঘায়ু কৰাই নহয়, শৰীৰৰ কৰ্কট ৰোগৰ বিৰুদ্ধে যুঁজ দিয়াৰ ক্ষমতাও বৃদ্ধি কৰিব পাৰে ।
গৱেষণাত গৱেষকসকলে প্ৰকাশ কৰিছে যে, সঠিক সময়ৰ খাদ্যাভ্যাসৰ নিয়ম মানি চলিলে শৰীৰৰ স্বাভাৱিক দৈনন্দিন জিৰণিৰ চক্ৰ, সক্ৰিয়তা আৰু যিকোনো শাৰীৰিক কাৰ্যকলাপ হ’ব বা কৰিব পৰা ক্ষমতা শক্তিশালী হয়, যাৰ ফলত স্বাস্থ্য উন্নত হয় ।
সঠিক সময়ৰ খাদ্যাভ্যাসৰ উপকাৰিতা
তাৎপৰ্যপূৰ্ণভাৱে সঠিক সময়ৰ খাদ্যাভ্যাসক "intermittent fasting" বুলি গণ্য কৰা হয়, য'ত মানুহে নিৰ্দিষ্ট সময়ৰ ভিতৰত যি বিচাৰে খাব পাৰে, কিন্তু বাকী সময়খিনি উপবাসে থাকে(time restricted eating benefits) । ইয়াৰ আগতেও আনুষংগিক বিষয়টোৰ ওপৰত প্ৰাণীৰ আৰ্হি আৰু মানৱ আৰ্হিৰ ওপৰত বহু গৱেষণা কৰা হৈছে, প্ৰায় সকলোবোৰতে ইয়াৰ উপকাৰিতাৰ কথা বিবেচনা কৰা হৈছে ।
অধ্যাপক পাণ্ডাই বুজাইছে যে, গৱেষণাত এইটোও পোৱা গৈছে যে সঠিক সময়ৰ খাদ্যাভ্যাসৰ শৈলীই শৰীৰে বিভিন্ন প্ৰক্ৰিয়াৰ সমন্বয়ৰ সুবিধা প্ৰদান কৰে আৰু দুটা খাদ্যৰ মাজৰ সময়ৰ ব্যৱধান হ্ৰাস কৰাৰ উপৰিও সেইবোৰ সমন্বয়ত সহায় কৰে বয়সৰ সৈতে জড়িত ৰোগ আৰু স্বাস্থ্য উন্নত কৰা(time restricted eating vs intermittent fasting) ।
সত্ত্চিদানন্দ পাণ্ডাৰ মতে, আমেৰিকা যুক্তৰাষ্ট্ৰত বহুসংখ্যক প্ৰাপ্তবয়স্ক লোক আছে যিয়ে 'অনিয়মীয়া' খাদ্যৰ প্ৰকাৰ অনুসৰণ কৰে(time restricted eating US) । য'ত তেওঁলোকে প্ৰতিদিনে 12 ঘণ্টাতকৈ অধিক সময় ধৰি খাদ্য, জলপান আৰু চেনিযুক্ত পানীয় আদি নিৰন্তৰভাৱে গ্ৰহণ কৰে । লগতে দিন আৰু ৰাতিৰ বিভিন্ন শ্বিফ্টত কাম কৰা লোকসকলৰ খোৱাৰ সময় নিৰ্ধাৰণ কৰা নহয়(time restricted eating times)। ইয়াৰ ফলত তেওঁলোকৰ স্বাস্থ্যৰ ওপৰত যথেষ্ট প্ৰভাৱ পৰে । এনে পৰিস্থিতিত সময়মতে খোৱা আহাৰ অনুসৰণ কৰাটো তেওঁলোকৰ বাবে অতি উপকাৰী হ'ব পাৰে । তেওঁৰ গোটৰ দ্বাৰা কৰা আন এটা গৱেষণাতো এইটো নিশ্চিত কৰা হৈছে ।
তেওঁ ব্যাখ্যা কৰে যে, বৰ্তমান সময়মতে খোৱাৰ লাভালাভৰ ওপৰত 150-ৰো অধিক অধ্যয়ন কৰা হৈছে । কৰ্কট ৰোগ, টাইপ-2 ডায়েবেটিছ, উচ্চ ৰক্তচাপ, উচ্চ কলেষ্টেৰল, হৃদৰোগ আৰু অধিক ওজনৰ সমস্যাৰ ক্ষেত্ৰত ইয়াৰ লাভালাভ সম্পৰ্কে বিভিন্ন মডেল আছে । তেওঁ বৰ্ণনা কৰে যে দীৰ্ঘম্যাদী বিপাকীয় বিকাৰ (chronic metabolic disorders), নিউৰোডিজেনাৰেটিভ ৰোগ (neurodegenerative diseases) আৰু কৰ্কট ৰোগৰ প্ৰাক-নিদানিক পশু মডেলৰ ওপৰত সময়মতে খোৱাৰ প্ৰভাৱ ব্যাখ্যা কৰিবলৈ তেওঁৰ অধ্যয়ন এক গুৰুত্বপূৰ্ণ সংযোগ হিচাপে প্ৰমাণিত হ'ব ।
লগতে পঢ়ক: Hair Loss: চুলি সৰা সমস্যাই মানসিক স্বাস্থ্যৰ ওপৰত কেনেদৰে প্ৰভাৱ পেলাব পাৰে, জানি লওক
