তামুলপুৰ, 25 মে' : তামুলপুৰৰ কাউলীৰ নাগাপুৰত চাঞ্চল্য হত্যাকাণ্ড (Murder case in Tamulpur)। দিন দুপৰতে পথৰ কাষত এজন লোকক মৰিয়াই মৰিয়াই হত্যা কৰাৰ অভিযোগ । কাউলী-নাগাপুৰ সংযোগী পথৰ সমীপত সংঘটিত হয় এই ঘটনা । মৃত লোকজনৰ নাম আনন্দ ৰাভা আৰু তেওঁৰ বয়স 42 বুলি জানিব পৰা গৈছে ৷ মৃত লোকজনৰ ঘৰ গোৱালপাৰাৰ দৰংগিৰিত ৷
উল্লেখ্য যে, মৃত আনন্দ ৰাভাৰ দেহত আছে আঘাতৰ স্পষ্ট চিন । ইফালে ঘটনাৰ খবৰ পাই ঘটনাস্থলীত উপস্থিত হয় শীৰ্ষ পৰ্যায়ৰ আৰক্ষী বিষয়া । বৰ্তমান তামুলপুৰৰ অতিৰিক্ত আৰক্ষী অধীক্ষকৰ নেতৃত্বত ঘটনাৰ অনুসন্ধান অব্যাহত ৰখা হৈছে ।
জানিব পৰা মতে, গোৱালপাৰাৰ পৰা তামুলপুৰৰ নাগাপুৰ গাঁৱলৈ এসপ্তাহ পূৰ্বে আহিছিল লোকজন । ইতিমধ্যেই ঘটনাস্থলীৰ পৰা আৰক্ষীয়ে উদ্ধাৰ কৰে লোকজনৰ মৃতদেহ ।
ইফালে ঘটনাৰ সৈতে জড়িত থকাৰ সন্দেহত আৰক্ষীয়ে আটক কৰিছে দুজন যুৱকক । আটকাধীন যুৱক দুজন হৈছে মিথুন দাস আৰু থুলু সিংহ (Two arrested to allegation of Tamulpur murder case) । মদ্যপান কৰাৰ পিছতে এই ঘটনা সংঘটিত হোৱাৰ সন্দেহ প্ৰকাশ কৰে আৰক্ষীয়ে ৷
লগতে পঢ়ক : সভ্য সমাজক লজ্জানত কৰিলে হোজাইৰ ঘটনাই
