হাইলাকান্দি , 29 মে': হাইলাকান্দি জিলাৰ ধলেশ্বৰী নৈৰ পৰা এটা অচিনাক্ত যুৱকৰ মৃতদেহ উদ্ধাৰ হয় ৷ বুধবাৰে পুৱা স্থানীয়লোকে চহৰ খনৰ লক্ষ্মীচহৰ এলেকাৰ ধলেশ্বৰী নৈৰ শ্মশান কালীবাড়ী ঘাটত মৃতদেহটো প্ৰতক্ষ্য কৰে ৷
হাইলাকান্দিত উদ্ধাৰ অচিনাক্ত যুৱকৰ মৃতদেহ
প্ৰতক্ষ্যদৰ্শীৰ খবৰৰ ভিত্তিত আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰাৰ লগতে এচ কে ৰায় অসামৰিক চিকিৎসালয়লৈ মৰোণত্তৰ পৰীক্ষাৰ বাবে প্ৰেৰণ কৰে ৷ অবশ্যে এই পৰ্যন্ত মৃতদেহটোৰ পৰিচয় জানিব পৰা হোৱা নাই ৷ ইপিনে মৃতদেহটোত অসংখ্য আঘাতৰ চিহ্ন থকাৰ বাবে কোনোয়ে যুৱক জনক হত্যা কৰি পেলাই দিয়াৰ সন্দেহ প্ৰকাশ কৰে স্থানীয় ৰাইজে ৷
