তিনিচুকীয়া,11 মে’: শেহতীয়াকৈ তিনিচুকীয়াত প্ৰায়েই সংঘটিত হৈ আহিছে চুৰি-ডকাইতি ৷ তেনে সময়তে কাম কৰা মহিলাই মালিকৰ ঘৰৰ পৰা চুৰি কৰাৰ এটা ঘটনা পোহৰলৈ আহিছে ।
মঙলবাৰে মিলনপল্লী অঞ্চলৰ সীমা আগৰৱালাৰ ঘৰৰ পৰা কাম কৰা মহিলাই নগদ ধন, সোণৰ অলংকাৰ লৈ উধাও হয় ৷ পৰৱৰ্তী সময়ত এই বিষয়ে আৰক্ষীক অৱগত কৰাত আৰক্ষীয়ে অভিযান চলাই ঘটনাত জড়িত থকাৰ সন্দেহত তিনি গৰাকী মহিলাক আটক কৰে ৷ আটক কৰা মহিলা কেইগৰাকীক আৰক্ষীয়ে সোধ-পোচ অব্যাহত ৰাখিছে ।
তিনিচুকীয়াত চুৰি কাৰ্যত জড়িত ৩ মহিলা কৰায়ত্ত
উল্লেখযোগ্য যে, আটকাধীন মহিলা কেইগৰাকীৰ ওচৰত কিছু পৰিমাণৰ নগদ ধন লাভ কৰিছে আৰক্ষীয়ে ৷ কিন্তু কোনো ধৰণৰ সোণৰ অলংকাৰ উদ্ধাৰ কৰিবলৈ সক্ষম হোৱা নাই আৰক্ষী ৷
লগতে পঢ়ক: স্বামীক মোকোলাই দিবলৈ কাতৰ আহ্বান অপহৃত ৰিতুল শইকীয়াৰ পত্নীৰ
