তিনিচুকীয়া, 19 চেপ্তেম্বৰঃ বুধবাৰে নিশা তিনিচুকীয়াত সংঘটিত হয় ডকাইতিৰ ঘটনা ৷ নিশাৰ আহাৰত বিষ মিহলাই বনকৰা মহিলাই লুটিলে এটা পৰিয়ালক ৷
জিলাখনৰ ডিএম লোহিয়া পথ অঞ্চলত সংঘটিত হয় ডকাইতিৰ ঘটনাটো ৷ ৰাম জীৱন সুৰেখা নামৰ ব্যক্তিজনৰ ঘৰত সংঘটিত হয় ঘটনাটো ৷
পৰিয়ালটোৰ ঘৰত বনকৰা মহিলাগৰাকীয়ে সংঘটিত কৰে ডকাইতি ৷ নিশাৰ আহাৰত বিষ মিহলাই মহিলাগৰাকীয়ে লুটি নিয়ে পৰিয়ালটোৰ মুল্যৱান সামগ্ৰী ৷
কিদৰে বনকৰা মহিলাই সংঘটিত কৰিলে ডকাইতি
ঘটনাৰ ফলতে পৰিয়ালটোৰ ৰাম জীৱন সুৰেখা, সুশীলা সুৰেখা, প্ৰেৰণা সুৰেখা আৰু শান্তনু সুৰেখা নামৰ চাৰিগৰাকী সদস্য গুৰুতৰভাৱে অসুস্থ হয় ৷ আহত চাৰিগৰাকীকে বৰ্তমানে অসম চিকিৎসা মহাবিদ্যালয়ত ভৰ্তি কৰোৱা হৈছে ৷
আনহাতে ঘটনা সংঘটিত কৰিয়ে পলায়ন কৰিছে ৰাম জীৱন সুৰেখাৰ ঘৰত থকা কামকৰা মহিলাগৰাকীয়ে ৷ ঘটনা সন্দৰ্ভত আৰক্ষীয়ে অভিযান আৰম্ভ কৰিছে ৷
