তেজপুৰ, ২৯ জুন : অৰুণাচল প্ৰদেশৰ নামনি সোৱণশিৰিত পুনৰ অঘটন ৷ পূৱ অৰুণাচল প্ৰদেশৰ নামনি সোৱণশিৰিত পুনৰ এজন সেনাৰ JCO বিষয়া হৈছে নিৰুদ্দেশ ৷ বুধবাৰে এই তথ্য প্ৰকাশ কৰিছে ভাৰতীয় সেনাৰ তৃতীয় ক'ৰে । তথ্য অনুসৰি, বিগত দুটা মাহত সেনা জোৱান নিৰুদ্দেশ হোৱাটো এইটো দ্বিতীয়টো ঘটনা ৷
বুধবাৰে বিয়লি সেনা জোৱানৰ প্ৰতিৰক্ষা বিভাগৰ মুখপাত্ৰই উল্লেখ কৰা অনুসৰি, অইন দিনাৰ দৰে চলিত মাহৰ ২৬ তাৰিখে বিয়লি প্ৰায় ২ বজাত নামনি সোৱণশিৰিৰ এক দুৰ্গম অঞ্চলত সেনা জোৱানজনে পেট্ৰলিং দিবলৈ গৈছিল ৷ তেনে সময়তে সেই দুৰ্গম অঞ্চলৰ পৰা হঠাৎ পিছলি পাহাৰৰ নামনিত থকা এটা জলাশয়ত পৰি যায় সেনা জোৱান চুবেদাৰ আমৰেণ্ড কুমাৰ ৷
লগে লগে সেনা জোৱানৰ দলটোৱে স্থানীয় লোকৰ সহায়ত উদ্ধাৰ অভিযান আৰম্ভ কৰে ৷ কিন্তু আজিও সেনা জোৱানজনৰ সন্ধান লাভ কৰিবলৈ সক্ষম হোৱা নাই (Indian army missing from Namni Sovanshiri in Arunachal Pradesh) ৷ এই কথা সদৰি কৰে প্ৰতিৰক্ষা বিভাগৰ মুখপাত্ৰগৰাকীয়ে ৷
আনহাতে, চলিত বৰ্ষৰ ২৮ মে'ত ভাৰত-চীন সীমান্তৰ অৰুণাচল প্ৰদেশৰ আঞ্জাও জিলাৰ ছাগলাগাম অঞ্চলত থকা এখন খৰস্ৰোতা নদীৰ সোঁতত উটি যায় দুজন ভাৰতীয় সেনা জোৱান ৷ সেনা জোৱান কেইজন ক্ৰমে প্ৰকাশ সিং ৰানা আৰু হৰেন্দ্ৰৰ সিং বুলি জানিব পৰা গৈছে ৷
অৱশ্যে বৰ্তমানেও সন্ধানহীন হোৱা জোৱানকেইজৰ কোনো তথ্যই লাভ কৰা নাই ভাৰতীয় সেনা বাহিনীয়ে ৷ এই কথা সদৰি কৰিছে সেনা জোৱানৰ প্ৰতিৰক্ষা বিভাগৰ মুখপাত্ৰগৰাকীয়ে ৷
লগতে পঢ়ক : New Labour Law : নতুন শ্ৰমিক আইনক লৈ বিতৰ্ক