শিৱসাগৰ,২৭ জুলাই: নাগৰিকত্ব সংশোধনী আইন বাতিলকে ধৰি কা' বিৰোধী আন্দোলনৰ বাবে চৰকাৰৰ ৰোষত পৰি গ্ৰেপ্তাৰ বৰণ কৰা কৃষক মুক্তি সংগ্ৰাম সমিতিৰ নেতা অখিল গগৈ আৰু আন কেইগৰাকী কাৰাবন্দীৰ মুক্তিৰ দাবী জনাই এই প্ৰতিবাদী কাৰ্যসূচী ৰূপায়ণ কৰে কৃষক মুক্তি সংগ্ৰাম সমিতিয়ে ।
প্ৰতিবাদী সকলে বিজেপি নেতৃত্বাধীন চৰকাৰ খনক তীব্ৰ সমালোচনা কৰি স্বৈৰাচাৰী শাসনৰ জড়িয়তে ৰাইজৰ কণ্ঠ ৰুদ্ধ কৰাৰ প্ৰয়াস কৰা বুলি অভিযোগ আনি কা আন্দোলনৰ সৈতে জড়িত সকলক চৰকাৰে দমনমূলক নীতিৰে কাৰাৰুদ্ধ কৰি ৰাখিছে বুলি উষ্মা প্ৰকাশ কৰে ।
আনহাতে অখিল গগৈৰ শুনানীৰ বাবে দিল্লী-বাংগালুৰুৰ পৰা অধিবক্তা আমদানি কৰা চৰকাৰখনে কভিড-১৯ ৰ ভয়াৱহতাৰ বাবে দিয়া নিৰ্দেশনা তথা সকলো সতৰ্কতামূলক ব্যৱস্থাক ভৰিৰে মোহাৰি আদালতত ক'ৰণা ৰোগৰ সংক্ৰমণহে ঘটাব বুলি কলে প্ৰতিবাদকাৰী সকলে ।
প্ৰতিবাদস্থলীৰ পৰা সকলোকে জোৰ জুলুমকৈ আৰক্ষীয়ে গ্ৰেপ্তাৰ কৰি শিৱসাগৰ সদৰ থানালৈ নিয়া কাৰ্যকো দমনমূলক নীতিৰে এক অংশ বুলি অভিহিত কৰিলে প্ৰতিবাদকাৰী সকলে ।
লগতে চাওকঃ
কোভিড-19 পৰীক্ষণ : ভাৰতত উপস্থিত ইজৰাইলৰ স্বাস্থ্যকৰ্মীৰ দল
