নলবাৰী,14 নৱেম্বৰ: নলবাৰীৰ অন্তৰ্গত পিপলীবাৰীৰ পৰা দুই দুধর্ষ ডকাইতক বৃহস্পতিবাৰে আটক কৰে নলবাৰী আৰক্ষীয়ে। উল্লেখ্য যে, আৰক্ষীয়ে গোপন সূত্ৰৰ পম খেদি চলোৱা এই অভিযানত আটক কৰা হয় ডকাইত দুজনক ৷ নলবাৰী আৰু বেলশৰ আৰক্ষীৰ যুটীয়া অভিযানত ডকাইত দুজন ধৰা পৰে ৷ আটকাধীন ডকাইত দুজনৰ কবলৰ পৰা আৰক্ষীয়ে জব্দ কৰে পিষ্টল,ডেগাৰৰ লগতে এখন পালছাৰ বাইক । ডকাইত দুজন ক্ৰমে দিগন্ত দাস আৰু হিতেশ ৰয় বুলি জানিব পৰা গৈছে । এই দুই ডকাইতে নলবাৰীৰ বিভিন্ন বেংক আৰু ব্যক্তিগত প্ৰতিষ্ঠানত পূৰ্বে ধন লুটৰ ঘটনাত জড়িত আছিল । সম্প্ৰতি ডকাইত দুজনক নলবাৰী আৰক্ষী থানাত জেৰা কৰি থকা হৈছে । ডকাইতিৰ বাবে খাপ পিটি থকা অৱস্থাত আৰক্ষীয়ে আটক কৰে ডকাইত দুজনক । আনহাতে আটক কৰা দুই ডকাইতৰ ঘৰ বাক্সা জিলাৰ মুছলপুৰত বুলি জানিব পৰা গৈছে ।
নলবাৰীত আৰক্ষীৰ অভিযানত আটক দুই দুধৰ্ষ ডকাইত
